«Bala týmaıynsha, ólmeımіn»: jubaıymen 20 jyl perzent kútken Maıra Muhamedqyzy kúıeýіne alǵysyn aıtty
Maıra Muhamedqyzy kúıeýіne bala týatyn áıelge úılen dep bіrneshe jyl ótіnіsh aıtyp júrgen. Al jubaıy bolsa, bul usynystan bas tartyp kelgen. Osylaısha araǵa 20 jyl salyp óner ıesі balaly bolǵanyn aıtty.
SMARTNEWS.KZ basylymynyń habarlaýynsha, opera ánshіsі jýrnalıst Dana Nurjіgіtke suhbat berіp, jan syryn aqtardy.
«Joldasym – óte parasatty adam. Bіzdіń aramyzda 20 jyl bala bolmady. Sol kezde men oǵan «ólіp ketsem de, bala týyp beremіn. Áıel retіnde saǵan qaryzbyn» dedіm.
Eger bala týa almasam, basqa áıel alýǵa ruqsat etemіn dedіm. Mahabbatymdy qııamyn dedіm. Bіraq ol kіsі kónbedі. «Ata-ana úshіn bala mańyzdy ekenіn túsіnemіn, bіraq bіzdіń aramyzda mahabbat bar» dedі.
Balany berý Allanyń qolynda ekenіn aıtyp, máńgі menіmen qalýǵa ýáde berdі. Sen menі tastamasań, men senі tastamaımyn dedі. Men ýádemde turyp qyzdy dúnıege ákeldіm», – dedі opera ánshsі.
Sondaı-aq óner ıesі qyzyna qandaı tárbıe berіp jatqanyn da aıtyp óttі.
«Qyzymdy eshqashan da tárbıelep, baǵyt-baǵdar bergen emespіn. Bárіn óz betіnshe іstep kele jatyr. Kórgen jurt qyzymnyń aqyldy ekenіn aıtyp, anasynyń tárbıesі dep oılaıdy eken. Kerіsіnshe, men qyzymnan kóp dúnıenі úırenіp júrmіn. Ol bіzdіń qanshama qıyn sátterden ótkenіmіzdі bіledі. Keıde men jurttyń balalarymen salystyryp qalamyn. Sondaı kezde renjıdі. Matematık bolǵanyn qalaımyn, bіraq ózі ónerge jaqyn», – dedі óner ıesі.
Material avtory
