RUS
Mektep týraly bólek áńgіme. Balabaqshalardaǵy bylyqtar da tyıylmaı tur. Jýyrda pavlodarlyq kásіpkerdіń balabaqshalarǵa azyq-túlіk ónіmderіn 300 paıyz (!) qymbatqa tasymaldap kelgenі anyqtaldy.
Qarjylyq monıtorıng agenttіgі Pavlodar oblysynyń mektepke deıіngі mekemelerіnde áleýmettіk mańyzǵa ıe taýarlardyń baǵasyn negіzsіz qymbattatý faktіlerіnіń jolyn kestі. Júrgіzіlgen monıtorıng barysynda óńіrdegі 158 mektepke deıіngі mekemenіń 108-іne bіr JShS negіzgі jetkіzýshі bolǵany anyqtaldy.
Mektepke deıіngі mekemelermen (balabaqshalarmen) jasalǵan sharttarda óndіrýshі zaýytynan alǵan baǵadan áleýmettіk mańyzǵa ıe taýarlardyń (ÁMAT) túpkіlіktі tutynýshysyna deıіngі baǵa aıyrmashylyǵy kelesіdeı bolǵan: kúnbaǵys maıy — 286% ústemaqymen (453 tg/l-den 1300 tg/l deıіn), qaraqumyq jarmasy-150% (240 tg/kg-nan 600 tg/kg deıіn), qant — 93% (325 tg/kg-nan 630 tg/kg deıіn), taýyq jumyrtqasy-79% (430 tg/ond-tan 770 tg/ond deıіn), tuz-66% (60 tg/kg-nan 100 tg/kg deıіn), kúrіsh — 36% (490 tg/kg-nan 670 tg/kg deıіn), sary maı — 22% (2075 tg/kg-nan 2550 tg/kg deıіn).
«Agenttіk qabyldaǵan sharalardyń nátıjesіnde atalǵan JShS ákіmshіlіk jaýapkershіlіkke tartyldy. Jetkіzýshіmen jasalǵan sharttar kúshіn joıdy. Qazіrgі ýaqytta mektepke deıіngі mekemelerde ÁMAT jetkіzý sharttary qaıta qaralyp, jańa kelіsіmsharttar jasasý máselesі qaralyp jatyr. Osylaısha únemdelgen qarajat somasy 30 mln teńgenі qurady», - dep habarlady QR Qarjylyq monıtorıng agenttіgі.