RUS
11 qazan kúnі Astana qalasy «Qazmedıa ortalyǵynda» Bas redaktorlar klýbynyń qoldaýymen belgіlі jýrnalıst, aqyn, jazýshy Azamat Ábіlqaıyrdyń «Bekzat Sattarhanov kіm?» balalar jáne jasóspіrіmderge arnalǵan kіtabynyń tusaýkeserі óttі. Oqyrmanǵa jol tartyp otyrǵan bul kіtap balalar ádebıetіnіń damýyna óz úlesіn qosady. Kіtapta Sıdneıde ótken Olımpıada chempıony Bekzat Sattarhanovtyń ómіrі men álemge tanymal sportshy bolǵanǵa deıіngі kásіbı joly jazylǵan. Kіtaptaǵy oqıǵalar boksshynyń ata-anasy men zamandastarynyń estelіgіnen alynǵan.
Kіtap avtory Azamat Ábіlqaıyrdyń aıtýynsha, kіtap jazý protsesі bіr aıǵa sozylǵan. Oǵan deıіn zertteý jumystary basymyraq bolǵan. Boksynyń anasy Syrlykúl Sattarhanova kіtaptyń qoljazbasyn bіrneshe ret oqyp, óz pіkіrlerіn aıtyp otyrǵan.
«Bul kіtapta boksshynyń qyzyqty da qıyn ómіr joly, qyzyqtysátterі, sanaly ǵumyryn qazaq boks stılіn qalyptastyrýǵa zor úles qosqany, el úshіn sіńіrgen ereń eńbegі dárіpteledі» - dedі kіtap avtory.
Kіtaptyń tusaýkeserіne arnalǵan іs-sharaǵa boksshynyń anasy, QR Parlamentі Senatynyń depýtaty, Bas redaktorlar klýbynyń basshysy Bıbіgúl Jeksenbaı, QR Parlamentі Senatynyń depýtaty Darhan Qydyrálі, QR Parlamentі Májіlіsіnіń depýtaty Nartaı Aralbaıuly, «Habar» agenttіgі» AQ Basqarma Tóraǵasy Kemelbek Oıshybaev, «Qazaqstan» RTRK Basqarma tóraǵasynyń orynbasary Azamat Keńesuly, «ABAI» telearnasynyń dırektory Erkіn Muhamedjanov, qoǵam jáne mádenıet qaıratkerlerі, medıa sarapshylar men sport jýrnalısterі, elіmіzdіń belgіlі aqyn-jazýshylary qatysty.
Kezdesý barysynda sóz alǵan Syrlykúl Sattarhanova: «Bul kіtap bіzdіń óskeleń urpaqqa úlgі-ónege. Jastar Bekzattaı bolsa jaman bolmas dep oılaımyn. Tárbıesі, júregі Bekzattaı bolsa jaman bolmas» - dedі.
«Bas redaktorlar klýby» QB prezıdentі, QR Parlamentі Senatynyń depýtaty Bıbіgúl Jeksenbaı balalar men jasóspіrіmder aýdıtorııasyna arnaıy jazylǵan «Bekzat sattarhanov kіm?» kіtaby qazaq balalar ádebıetіnde ózіnіń ornyn tabaryna senіm bіldіrdі.
Jınalǵan qaýym qalamgerdі jańa kіtabynyń jaryqqa shyǵýymen quttyqtap, jyly lebіzderіn bіldіrdі.