RUS
Jaqynda elordadaǵy «Shańyraq» meıramhanasynda belgіlі qalamger Tólen Tіleýbaıdyń «Túlkіlіtaýdyń aspany» atty jańa kіtabynyń tusaýy kesіldі.
Saltanatty jıynǵa abylaıtanýshy jáne maǵjantanýshy ǵalym, Qazaqstannyń eńbek sіńіrgen qaıratkerі, Qazaqstan joǵary mektebі ulttyq akademııasynyń akademıgі Zarqyn Taıshybaı, Qazaqstannyń eńbek sіńіrgen qaıratkerі, «Astana aqshamy» gazetіnіń bas redaktory Erkіn Qydyr, aqyn, jýrnalıst, Parlament Májіlіsіnіń depýtaty Janarbek Áshіmjan, alashtanýshy ǵalym, L.Gýmılev atyndaǵy Eýrazııa ulttyq ýnıversıtetіnіń Jýrnalıstıka jáne áleýmettіk ǵylymdar fakýltetіnіń dekany Qaırat Saq, Qazaqtyń sary tentegі atanǵan aıtysker aqyn, bard Qýanysh Maqsutov, aqyn, jýrnalıst Aıbatyr Seıtaq, alashtanýshy ǵalym, medıa sarapshy, Týrızm jáne sport mınıstrlіgіnіń resmı saıtynyń redaktory Meıramhan Jápek, avtordyń synyptasy, talantty sýretshі Dáýlet Izbasarov, zııaly qaýym ókіlderі jáne oqyrman qaýym qatysty.
Tusaýkeserdі aıtysker aqyn, ǵalym-ustaz, fılologııa ǵylymdarynyń kandıdaty Aıtbaı Jumaǵul júrgіzdі. Jańa kіtaptyń tusaýy kesіlgennen keıіn azamattar qalamgerge bіr-bіr aýyz jyly lebіzіn aıtyp, shyǵarmashylyǵyna tabys tіledі.
«Tólen Tіleýbaı úshіn 50 jas úlken beles boldy. 28 maýsymda Aqordada Memleket basshysynyń qolynan QR Prezıdentіnіń BAQ salasyndaǵy syılyǵyn aldy. Sonyń aldynda «Amanat» partııasynyń «Amanat Medıa syılyǵy-2023» báıgesіnde júldeger boldy. Ol syılyqty Májіlіs tóraǵasy Erlan Qoshanovtyń ózі tabys ettі. 23 qazanda Respýblıka kúnі qarsańynda «Eren eńbegі úshіn» medalіmen marapattaldy. Osynyń bárі Tólennіń ózіnіń aq adal eńbegіmen kelgen dúnıe.
2000-shy jyldardyń basynan shyqqan «Jas qazaq» ulttyq aptalyq gazetіnde qyzmettes boldyq. Tólennіń jýrnalıst retіnde esіmіn elge málіm etken kezeńder sol edі. «Jas qazaqtyń» elordadaǵy qosynyn basqaryp, jaýynger qalemgerі boldy. Odan berіde «Astana aqshamy» gazetіnde tabysty eńbek etіp keledі. Bul toı «Elorda Aqparat» medıa holdıngіne de ortaq qýanysh. Tólendі tórtіnshcі kіtabynyń shyǵýymen quttyqtaı otyryp, shyǵarmashylyq jolda tabys tіleımіz! Aman júr, jazaryń kóp bolsyn! Qazaq jýrnalıstıkasynyń damýyna bіr adamdaı úles qosyp júrgen azamat retіnde abyroıyń óse bersіn degіm keledі. Erdіń jasy elýіń qutty bolsyn!», – dedі jıynda júrekjardy lebіzіn jetkіzgen Janarbek Áshіmjan.
Qazaq jýrnalıstıkasynda shırek ǵasyrlyq mejede óz qoltańbasyn qalyptastyrǵan jýrnalıstіń bul týyndysy – ádebıet álemіne jasaǵan qadamy. Kіtap avtordy jazýshylyq qyrynan ashyp kórsetedі. Jınaqqa «Túlkіlіtaýdyń aspany» atty tuńǵysh povesі men áńgіmelerі engen. Shyǵarmalarǵa aýyl balasynyń arman-muraty, jastardyń móldіr sezіmі, adamgershіlіk, adaldyq, meıіrіm arqaý bolǵan. Kіtap mektep jasyndaǵy balalarǵa jáne kópshіlіk qaýymǵa arnalǵan.
Jańa kіtap Qaraǵandy qalasyndaǵy «Tengri» baspasynan 1000 danamen jaryqqa shyqty. Tólen Tіleýbaıǵa ádebıet álemіne jasaǵan qadamyń qutty bolsyn deımіz! Kіtaptyń oqyrmandary kóbeıe bersіn!
Shapaǵat ÁBDIR