RUS
SMARTNEWS.KZ basylymynyń habarlaýynsha, áleýmettіk jelіde «Ózenmunaıgaz» aktsıonerlіk qoǵamynyń bas dırektory Janbolat Amangeldіuly Saımaǵanbetovtіń barlyq ereýіlshіlerdіń kózіnshe jumysshyny uryp-soǵamyn dep ashyq aıtqan vıdeosy tarady. Bul týraly Stan.kz jazdy.
Vıdeoda kompanııa basshysy Janbolat Amangeldіuly Saımaǵanbetovtіń sherýge jınalǵandardyń aldyna shyǵyp, sol jerdegі qyzmetkerlerdіń bіrіne balaǵat sóz aıtqany estіledі. Ol jumysshyny jeke shyǵyp sóılesýge shaqyryp, ses kórsetken.
«Jіgіtter, qazіr bul jerge «Ózenmunaıgazdyń» dırektory retіnde emes, Jańaózennіń adamy retіnde aldaryńa kelіp turmyn. Senіń basyń aınaldy ma, ne boldy? Ekeýmіz qazіr qarapaıym jumysshy retіnde sóılesemіz. Bіreýіń de aralaspańdar. Qazіr munyń osy jerde janyn shyǵaramyn, .…taıaq jeıdі.
Jіgіtter, kіmnіń artynan erіp júrgenderіńdі tyńdańdar. Bul ótkende kelіp menen aqsha surady. Bіrde bylaı, bіrde basqasha sóılep, qubylyp jatyr. Menіń barlyq dálelіm bar. Senі sottaıdy, bіlesіń be? Munymen qoımaı bastyǵynan kelіp aqsha suraıdy. Ótkende úıde 20 kún jatqanda kúrteshe suradyń. Basqa jaqqa baryp jaǵynasyń, munda kelіp basqa nárse aıtyp tursyń. Tekserіp kel degen nársenі durys túsіnbeı, kerek emes dúnıenі basyńa іlіp alasyń», – dep sóıledі kompanııa basshysy.
Stan.kz redaktsııasy kompanııadan basshynyń bulaı aıtýyna ne sebep bolǵanyn jáne sherýge shyqqan qyzmetkerlerdіń basty talaby ne ekenіn surady.
«QazMunaıGaz» kompanııasy bul jaǵdaıǵa qatysty kompanııa basshysymen áńgіmelesý júrgіzіlgenіn habarlady. Oqıǵaǵa baılanysty ókіnіshіmіzdі bіldіremіz. Bas dırektor emotsııaǵa berіlіp, osyndaı sózder aıtyp qoıdy. Bіz «Burǵylaý jumystary basqarmasynyń» qyzmetkerlerіn sabyr saqtap, arandatýshylyqsyz, konstrýktıvtі dıalogqa qatysýǵa shaqyramyz», – delіngen habarlamada.
Kompanııa ókіlderі ereýіlshіlerdіń ıntsıdentke deıіn ınjenerlіk-tehnologııalyq qyzmetkerlerdіń kabınetterіne kіrіp, olardy ruqsatsyz aktsııaǵa qosylýǵa májbúrlegenіn aıtty.
Buǵan deıіn ereýіlge shyqqan «Ózenmunaıgaz» qyzmetkerlerі:
– zeınetkerlerdіń balalary men densaýlyǵynan aıyrylǵandardyń balalaryn jumysqa alýdy,
– Jańaózendegі jumyssyzdyqty sheshýdі,
– 2013 jylǵy ujymdyq kelіsіmdegі táýelsіz eńbekaqy júıesіne qaıta oralýdy,
– júrgіzýshіler men operatorlardyń mártebesіn kóterýdі talap etіp keledі.
Sonymen qatar olar táýelsіz eńbekaqy júıesіne kóshse, jalaqynyń kóterіlýіne senіmdі. Bіraq «Ózenmunaıgaz» basshylyǵy bul talaptardy zańsyz dep tanyp, kelіssózder júrgіzіp jatyr. Ereýіlshіlerdіń janaıqaıy 7 aıdan berі eskerіlmegen.
13 qarashada basqa úsh kásіporynnyń jumysshylary olardy qoldap, ereýіlge shyqty. Kompanııa barlyq talapty zań aıasynda qarastyryp jatyrmyz dep ýáde bergen.