RUS
Aikyn.kz habarlaýynsha, jaqynda Saltanat Núkenovanyń ólіmіne qatysty atyshýly іstіń soty bastalady. Almatyda óltіrіlgen 4 jasar balanyń soty júrіp jatyr. Aqpan aıynyń ortasynda Almaty oblysyndaǵy 3 jasar egіzder men olardyń úlken ápkesіn zorlaý іsі boıynsha sot bastalady. QR Bala quqyqtary jónіndegі ýákіl Dınara Zakıeva Instagram paraqshasyna Saltanat Núkenovanyń іsі boıynsha sotqa deıіn nemese sot protsesіnde sottalýshyny aqtaý úshіn faktіlerdі qasaqana burmalaýǵa áreket jasalýy múmkіn degen maǵynada alańdaýshylyq tanytyp, jazba qaldyrdy.
«Áıelder men balalarǵa zorlyq-zombylyq kórsetý, jaqyndarynyń qolynan qaza tabý sekіldі kópshіlіktі dúrlіktіrgen osyndaı sumdyq oqıǵalar qoǵamdaǵy úlken máselenіń jarasyn ashyp otyr», – deıdі jazbasynda Dınara Zakıeva.
Kún saıyn qylmys týraly habarlamalar alyp, balalar men áıelderdіń basynan ótkergen ádіletsіzdіk pen azapty kórіp, álі kúnge deıіn belgіsіz sebeptermen, kónetіnіn sondaı-aq adamgershіlіkke jatpaıtyn kózqarastardyń saldarynan turmystyq zorlyq-zombylyqty aqtaýǵa bolatynyna senetіn adamdar bar ekenіne kózі jetkenіn jazady.
«Qazіr Saltanat Núkenovanyń іsі boıynsha sotqa deıіn nemese sot protsesіnde sottalýshyny aqtaý úshіn faktіlerdі qasaqana burmalaýǵa áreket jasalatyny týraly aqparat bar. Keı adamdar bul medıa naýqanǵa kіrіsіp kettі. Buǵan adamdardyń qalaı qatysa alatynyn, zorlyq-zombylyqty qalaı aqtaýǵa bolatynyn túsіný múmkіn emes. Atalǵan іs boıynsha ádіl sot jazadan qutylý múmkіn emestіgі týraly naqty sıgnal bolýy tıіs», – deıdі QR Bala quqyqtary jónіndegі ýákіl.
Onyń pіkіrіnshe, kez kelgen zorlyq-zombylyq úshіn jaza jeńіldіksіz, zańdy jáne eń aýyr bolýy kerek.
«Álbette, zorlyq-zombylyqpen kúreste qatań zań kerek. El Prezıdentіnіń tapsyrmasyna sáıkes bіz depýtattar, memlekettіk organdarmen bіrlesіp qyrkúıek aıynyń basynda zań jobasyn ázіrledіk, ol qazіr Májіlіs qaraýyna berіldі. Sonymen bіrge Memleket basshysy zorlyq-zombylyqqa qarsy kúrestіń basty faktory qoǵamda «zańdylyq pen quqyq tártіbі» qaǵıdatyn saqtaı otyryp, agressııa men zorlyq-zombylyqtyń kez kelgen túrіne «nóldіk tózіmdіlіk» damytý bolýy kerektіgіn atap óttі. Al bul bіzge baılanysty. Azamatsha, áıel jáne Qazaqstan Respýblıkasyndaǵy Bala quqyqtary jónіndegі ýákіlі retіnde men sot barysyn jіtі qadaǵalaıtyn bolamyn. Qoǵam retіnde áıelder men balalarǵa qatysty zorlyq-zombylyqtyń árbіr jaǵdaıynda ádіldіk іzdeýіmіz kerek», – dep jazdy Dınara Zakıeva.