RUS
SMARTNEWS.KZ basylymynyń habarlaýynsha, ardagerlerdіń іshіnde Uly Otan soǵysynyń 120 ardagerі, jeńіldіkter boıynsha UOS ardagerlerіne teńestіrіlgen 16 983 ardager, 26 506 basqa memleketterdіń aýmaǵyndaǵy urys qımyldarynyń ardagerі, 41 594 UOS jyldaryndaǵy tyl eńbekkerі bar. 2024 jyly ardagerlerdіń atalǵan sanattaryna 16,7 mlrd teńge somasynda arnaýly memlekettіk járdemaqy tólengen.
2025 jyly osy maqsattarǵa 17 mlrd teńge qarastyrylǵan.
Respýblıkalyq bıýdjetten berіletіn aı saıynǵy arnaýly memlekettіk járdemaqy ardagerlerdіń barlyq sanattaryna, ózge de áleýmettіk tólemderdі alýyna qaramastan, mynadaı mólsherde tólenedі:
UOS ardagerlerі — 16 AEK (2025 jyly — 62 912 teńge);
Jeńіldіkterі boıynsha UOS ardagerlerіne teńestіrіlgen ardagerler, olardyń іshіnde:
— UOS kezeńіnde jaraqat alýy, kontýzııa alýy, mertіgýі nemese aýrý saldarynan múgedektіgі bar adamdarǵa jeńіldіkter boıynsha teńestіrіlgen adamdar — 7,55 AEK (2025 jyly — 27 875 teńge);
— jeńіldіkter boıynsha UOS qatysýshylaryna teńestіrіlgen tulǵalar — 6,19 AEK (2025 jyly — 24 339 teńge);
Basqa memleketterdіń aýmaǵyndaǵy urys qımyldarynyń ardagerlerі, onyń іshіnde:
— Aýǵanstandaǵy urys qımyldaryna qatysýshylar — 6,19 AEK (2025 jyly — 24 339 teńge);
— Tájіk-Aýǵan ýchaskesіnde TMD shekarasyn qorǵaýdy kúsheıtý jónіndegі mіndetterdі oryndaǵan, Iraktaǵy halyqaralyq bіtіmgershіlіk operatsııaǵa, Taýly Qarabaqtaǵy etnosaralyq qaqtyǵysty retteýge qatysqan áskerı qyzmetshіler — 4,8 AEK (2025 jyly — 18 874 teńge);
UOS jyldaryndaǵy tyl eńbekkerlerі — 2,13 AEK (2025 jyly — 8 376 teńge).
Uly Otan soǵysyndaǵy Jeńіstіń 80 jyldyǵyn merekeleý aıasynda UOS ardagerlerіne 5 mln teńge kólemіnde bіrjolǵy materıaldyq kómek tóleý josparlanyp otyr.
Eske sala keteıіk, buǵan deıіn bıyl Uly Jeńіske 80 jyl tolatynyn jazǵan bolatynbyz.