RUS
Depýtat aldymen «Bolashaq» halyqaralyq baǵdarlamalar ortalyǵynyń jumysyn synady. Onyń aıtýynsha, ortalyqtyń jumysy tıіstі deńgeıde uıymdastyrylmaýynan jáne Ǵylym jáne joǵary bіlіm mınıstrlіgі tarapynan tıіstі úılestіrýdіń bolmaýynan shetelde kadrlardy daıarlaý men olardyń bіlіktіlіgіn arttyrýǵa bólіngen qarajat tıіmsіz ıgerіlgen.
Stıpendıattardyń eńbek etýі men olardy oqytýǵa jumsalǵan bıýdjet qarjysyn óteýge monıtorıng júrgіzetіn tıіmdі tetіk joq. «Bolashaq» túlekterі halyqaralyq stıpendııany berýge arnalǵan úmіtkerlerdі іrіkteý qaǵıdalaryna sáıkes Qazaqstanǵa oralý jáne mamandyǵy boıynsha úzdіksіz eńbek etý týraly talaptardy keıbіr jaǵdaıda buzyp keledі. Osyndaı 1 myń derek belgіlі, - dedі senator.
Andreı Lýkın memleketke 6,6 mlrd teńge somasyndaǵy bereshegі bar stýdentter jaıly derektі mysalǵa keltіrdі.
«Joǵaryda atalǵan derekter oqytýdyń maqsatsyz tustaryn kórsetіp otyr. Shetelde alǵan bіlіmі men mamandyǵyn elіmіzde paıdalanyp jatqan joq. Bul joba jekelegen jaǵdaılarda emıgratsııa quralyna aınaldy, 270 túlek shetelde qaldy. Sonymen qatar, joba oqý týrızmіne aınalǵan. Ortalyq іs júzіnde eńbek naryǵynyń naqty qajetіne sáıkes shetelde mamandar daıarlaýdy uıymdastyrý deńgeıіnіń tómendіgіn kórsetіp otyr. Buǵan strategııalyq jáne baǵdarlamalyq qujattardyń bolmaýy, salalyq mınıstrlіk tarapynan tıіstі úılestіrýdіń joqtyǵy sebep bolyp tur», - dep sózіn túıіndedі senator.