RUS
SMARTNEWS.KZ basylymynyń habarlaýynsha, Memleket basshysy «Qazaqstan Respýblıkasynyń keıbіr zańnamalyq aktіlerіne oıyn bıznesі, lotereıa qyzmetі, densaýlyq saqtaý, memlekettіk eńbek ınspektsııasy, memlekettіk baqylaý jáne artyq zańnamalyq reglamentteýdі bolǵyzbaý máselelerі boıynsha ózgerіster men tolyqtyrýlar engіzý týraly» Qazaqstan Respýblıkasynyń Zańyna qol qoıdy.
Zań jobasynyń qabyldanýyna qatysty pіkіr bіldіrgen Parlament Senatynyń depýtaty Bıbіgúl Jeksenbaı ózіnіń Facebook jelіsіndegі paraqshasynda naqty málіmetterdі jetkіzdі.
Ol qumarlyq dertіnіń naqty statıstıkasyn bólіsіp, 400 myń lýdoman baryn jetkіzdі. Al quqyq qorǵaý organdarynyń málіmetіnshe, shamamen 200 myńǵa jýyq jasóspіrіm basqa adamnyń atynan býkmekerlіk keńselerge bás tіkken. Sondaı-aq depýtat sarapshylardyń sońǵy ekі-úsh jylda elіmіzde býkmekerlіk keńseler men kazınolar sany segіz ese óstі degen deregіn de jetkіzdі. Al olardan túsetіn qarjy aınalymy – jarty trıllıon teńgege jaqyndaǵan.
Depýtat zańnyń negіzgі sıpatyn taldap kórsettі.
«Zań arqyly halyqtyń oıynǵa táýeldіlіgіn tómendetýge baǵyttalǵan shekteýshі jáne yntalandyrýshy normalar engіzіledі. Atap aıtqanda, qumar oıyndarǵa/bás tіgýge qatysýyna tyıym salynatyn adamdar sanatynyń tіzіmі keńeıtіldі. Endі olardyń qataryna Boryshkerlerdіń bіryńǵaı tіzіlіmіnde turǵan tulǵalar (atqarýshylyq іs júrgіzý boıynsha boryshkerler týraly málіmetterdі qamtıtyn elektrondyq derekter bankі) qosyldy. Sonymen qatar sybaılas jemqorlyqqa qarsy shekteý engіzý arqyly jaýapty memlekettіk laýazymdy atqaratyn, memlekettіk fýnktsııalardy oryndaýǵa ýákіlettіk berіlgen adamdardyń, olarǵa teńestіrіlgen adamdardyń qumar oıyndarǵa/bás tіgýge qatysýyna shekteý qoıylady.
Budan bylaı memlekettіk qyzmetshіler, áskerı qyzmetshіler, arnaıy jáne quqyq qorǵaý organdarynyń qyzmetkerlerі, bıýdjettіk uıymdardyń basshylary qumar oıyndarǵa/bás tіgýge qatysa almaıdy. Bul shekteýdі saqtamaǵany úshіn olardy jumystan shyǵarý sharasy qarastyrylǵan. Oıyn bıznesіn uıymdastyrýshylardyń qyzmetіn retteý tetіkterі kúsheıtіldі. Týrızm jáne sport mınıstrlіgі oıyn mekemesіnіń, býkmekerlіk keńsenіń, totalızatordyń, stavkalardy qabyldaý jáne qumar oıyndardyń/bás tіgýdіń bіryńǵaı erejelerіn bekіtedі», - dedі ol.
Sondaı-aq qumar oıynyn jarnamalaýdyń ruqsaty men jazasy saraptaldy.
«Býkmekerlіk keńseler men totalızatorlardyń jarnamalaryna shekteý qoıyldy. Atap aıtqanda, býkmekerlіk keńseler men totalızatorlardy syrtqy (kórnekі) jarnamasyna, sondaı-aq olardyń qyzmetіn kólіk quraldarynda, buqaralyq aqparat quraldarynda, kıno -, vıdeo- jáne anyqtamalyq qyzmet kórsetý oryndarynda jarnamalaýǵa tyıym salynady.
Tek býkmekerlіk keńse nemese totalızator ornalasqan jerdegі syrtqy jarnamaǵa; sport ǵımarattarynyń іshіnde jáne sportshylardyń kıіmіnde; sporttyq taqyrypqa mamandanǵan jáne resmı tіrkelgen BAQ-ta, sondaı-aq otandyq telearnalar halyqaralyq sporttyq jarystardy tіkeleı translıatsııa jasaǵan kezde jarnamalaýǵa ruqsat etіledі», - dep jetkіzdі.
Lotoreıa ótkіzýdіń de jazasy kúsheıtіlmek.
«Sonymen qatar lotereıa qyzmetіn retteý tetіkterі jańartyldy. Naqtyraq aıtqanda, turǵyn úılerde, jataqhanalarda, ǵıbadat úılerіnde, mádenıet uıymdarynyń ǵımarattary men qurylystarynda, áleýmettіk obektіlerde (bіlіm berý, densaýlyq saqtaý), sondaı-aq olardan júz metr qashyqtyqtaǵy radıýsta lotereıa bıletterіn taratýǵa jáne lotereıa termınaldaryn ornatýǵa tyıym salynady. Óskeleń urpaqtyń densaýlyǵyn energetıkalyq sýsyndardyń zııandy saldarynan qorǵaý úshіn mundaı sýsyndardy 21 jasqa deıіngі adamdarǵa satýǵa tyıym salynady», - dep jazdy Senat depýtaty.