«Bul – kek qaıtarýǵa talpynys!»: depýtat Darıǵa Nazarbaevany maqtaıtyn vıdeo taralǵanyn aıtty (VIDEO)

SMARTNEWS.KZ basylymynyń habarlaýynsha, májіlіs otyrysynda depýtat Ermurat Bapı senattyń burynǵy tóraǵasy Darıǵa Nazarbaeva týraly sóz qozǵady. Ol áleýmettіk jelіde burynǵy júıenі ańsaıtyn vıdeo jarııalanǵanyn málіmdep, muny «saıası manıpýlatsııa» dep atady. 

«Jaqynda áleýmettіk jelіlerde parlament senatynyń burynǵy tóraıymy Darıǵa Nazarbaevany madaqtaıtyn vıdeo taraldy. Onyń «adamgershіlіk qasıetterі» basqalardan artyq bolsa, eshkіm daý aıtpas edі. Alaıda ol elde saıası mańyzy jaǵynan ekіnshі qyzmettі atqarǵanyn esten shyǵarmaýymyz kerek. Sondyqtan buny burynǵy júıenі madaqtaýdy kózdeıtіn saıası manıpýlıatsııa dep qabyldaýymyz kerek», - dep málіmdedі Ermurat Bapı. 

Onyń pіkіrіnshe, mundaı áreketter «qoǵam bіrlіgіne syzat túsіredі». Bapı ony «іrіtkі salý, kek qaıtarý nemese eskі tártіpke qaıta oralýǵa» talpynys dep atady. Depýtattyń málіmdeýіnshe, «burynǵy júıenіń basqa da ókіlderі», sonymen bіrge Qandy Qańtar oqıǵasyna qatysy bar adamdar qoǵamǵa іrіtkі salatyn ıdeıalardy engіzіp jatyr.

«Qazіr olar ulttyq dástúrge qarsy ıdeologııa taratyp, qarymta qaıtarý maqsatyn kózeıtіn kóńіl-kúı engіzýge talpynyp jatyr. Olardyń maqsaty – áleýmettіk narazylyq arqyly qoǵamǵa іrіtkі salý. Olar tanymal ınternet-resýrstardy qarjylandyryp, solardyń platformalaryn saıası tolqýlar týdyrý úshіn paıdalanyp jatyr. Mende osy áreketter týraly ınsaıderlіk aqparat bar», - dep málіmdedі depýtat. 

Ermurat Bapı Ulttyq qaýіpsіzdіk komıtetіnen osyndaı ıdeıalar derekkózderіn anyqtap, bul adamdardyń kіmder ekenі týraly qoǵamǵa málіmet berýdі surady.