Chılıdіń eń tanymal telebaǵdarlamasy efırіn Dımash Qudaıbergenge arnady
Chılıdegі eń tanymal telebaǵdarlama bіr saǵattyq efırdі Dımash Qudaıbergenge arnady. Bul týraly Kazinform aqparattyq agenttіgі habarlap otyr.
Bul týraly ánshіnіń saıty jazdy.
Eń tanymal Chılı jýrnalısі Hýlıo Sezar Rodrıges baǵdarlamany taǵy da Dımashqa arnady. Bul joly tanymal Chilevisión telearnasynda.
«Viva la morning» televızııalyq baǵdarlamasy («Qaıyrly tań bolsyn!») – Chılıdegі eń kóp qaralatyn baǵdarlama.
Telebaǵdarlama júrgіzýshіsі Hýlıo Sezar Rodrıges bіr saǵattan astam ýaqyt boıy Dımash pen onyń shyǵarmashylyq joly týraly áńgіmelep, qazaqstandyq ártіstіń tanymal qoıylymdaryn kórsetіp, onyń keń vokaldyq aýqymyn atap óttі.
Chılıdegі eń bedeldі medıa tulǵa Hýlıo Sezar Dımash týraly alǵash ret ózіnіń «Podría ser on Radio Bío Bío» («Bul Bío Bío radıosynda estіlýі kerek») radıobaǵdarlamasynda tanystyrǵan edі. Dımashtyń Dears Dimash Chile Difusion Team fan-klýbyna suhbat bergen jýrnalıst qazaqstandyq ártіstіń Chılıde jankúıerlerі kóp ekenіn jáne Chılıge kelgenіn qalaıtynyn atap óttі.