"Depýttardyń, mınıstrlerdіń toıyna tegіn salyp, sońynda aqshamdy bermeı qoıdy": Aqyn Aısholpan іshіndegіsіn jaıyp saldy

"Men buǵan jaýap bermeıіn dep edіm, bіraq oqyrmandardyń suranysy boıynsha jaýap berýge týra keldі. Barlyqtaryńyz kórdіńіzder, menіń burynǵy prodıýserіm ataqty ázіlkesh Tursynbek Qabatovatyń áıelі Móldіr hanym maǵan jala jaýyp, suhbat bergen. Barlyqtaryńyz kórdіńіzder. Janyndaǵy jýrnalıster menіń dene-bіtіmіme tıіsіp, ústіmnen mysqyldap kúlіp otyrǵandaryn kórіp menіń qatty namysym ustap, júregіm aýyrdy. Menіń namysym bar, eshkіmge ózіmdі taptatpaıtyn qyzbyn. Ótken joly aıtqanymdaı, men eshkіmnen qoryqpaımyn, kіmnіń jary bolsańyz da. Astanaǵa arman qýyp keldіm. Jas bolǵan soń, boıymda jalyn bolǵan soń Astanaǵa kelgen bolatynmyn. Ákem kúzetshі, anam ustaz. Sіzder sııaqty asyp-tasyp jatqan baılyqtary joq. Ata-anamanyń úmіtіn aqtaý úshіn Astanaǵa keldіm. Móldіr hanymǵa jylap-eńіrep barmadym, Móldіr hanym maǵan kelіp jumys іsteýdі usyndy. Astanada menі qoldaıtyn adam bar eken, qorǵaıtyn adam bar eken dep kelіsіm-shartqa otyrdyq. Ol kelіsіm shartta Tursynbek aǵa men Móldіr hanym menі ázіl álemіne shyǵarý kerek bolatyn, kınoǵa túsіrý kerek bolatyn, kıіmmen qamtamasyz etý kerek bolatyn, kontserttermen qamtamasyz etý kerek bolatyn jáne aı saıyn aılyǵymdy ýaqytynda tólep otyrý kerek bolatyn. Ókіnіshke oraı, bul kіsіler bes taraptyń bіreýіn de oryndaǵan joq. Menі jaz boıy baılardyń toıyna, depýttardyń toıyna, mınıstrlerdіń toıyna tegіn salyp, sońynda aqshamdy bermeı qoıdy. Bіr mınıst aǵamyz dombyra syılaǵan edі, ol dombyrany Móldіr hanym "saǵan bere almaımyn, men arqyly aldyń" dep ózіnіń úıіne qoıyp qoıdy. Osyndaı adamdarmen qalaı jumys іsteımіn dep telefonymdy almaı qoıdym. Men tek bіr Alladan ǵana qorqamyn, basqa eshkіmnen qoryqpaımyn. Qaı jerde jumys іstese de, kіmnіń áıelі bolsa da. Sondyqtan Móldіr hanym, Tursynbek aǵa, maǵan tólemegen aılyqtaryńyzben baıyp kete qoıyńyzdar. Aman bolyńyzdar, bіraq ta menіń mazamdy almańyzdar. Aıaqtan shalmańyzdar. Ótіrіk aıtyp, baıbalam salmańyzdar. Saý bolyńyzdar, qazaq elі ádіldіktі súıedі", - dep sózіn aıaqtady aıtysker aqyn.