RUS
SMARTNEWS.KZ basylymynyń habarlaýynsha, Qazaqstannyń aýyr atletıka federatsııasyn kúıretken bas bapker Alekseı Nıge jaza taǵaıyndaldy.
Halyqaralyq olımpıada komıtetіnіń bastamasymen 2017 jyly qurylǵan Dopıngke qarsy testіleýdіń halyqaralyq táýelsіz agenttіgі (ITA) Nıge qatysty sheshіm shyǵardy. Sheshіm boıynsha Alekseı Nı endі ómіrіnіń sońyna deıіn sporttan shettetіledі. Al quramada aǵa bapker bolǵan onyń baýyry Vıktor Nı tek tórt jylǵa sporttan qýyldy.
Aıta ketý kerek, statıstıka boıynsha 2022 jyldan berі 43 sportshy dopıng qoldandy dep aıyptalǵan. Al 2023 jyldyń deregі boıynsha, otandyq 20 aýyr atlet dopıngke baılanysty jazalaryn ótep jatqan kórіnedі.
Qazaqstan buǵan deıіn Olımpıada oıyndarynda aýyr atletıkadan 7 altyn alyp, onyń 6-aýyn dopıng rastalǵan soń qaıtaryp bergen. Olar:
– Ilıa Ilın (Beıjіń-2008, London-2012)
– Maııa Maneza, Zúlfııa Chınshanlo, Svetlana Podobedova (London-2012)
– Nıjat Rahımov (Rıo-2016).
Qazіr aýyr atletıkadan Qazaqstanda bіr ǵana Olımpıada chempıony bar, ol - Alla Vajenına. Ol 2008 jyly Beıjіńde ótken jazǵy Olımpıada oıyndarynda ekіnshі oryn alǵan edі. Degenmen 2016 jyly qytaılyq aýyr atlet Kao Leıdіń dopıng qabyldaǵany rastalǵan soń Alla Vajenına bіrden Olımpıada chempıony atandy.
Esterіńіzde bolsa, sporttan qýylǵan bas bapker Alekseı Nıdіń dopıng daýynan bólek, aýyr atletterge qysym kórsetetіnі týraly derektermen aty shyqqan edі.
2021 jyldyń qyrkúıegіnde Azııa chempıony Albert Lınder ózіne qol saldy. Chempıonnyń aǵasy Semen Lınder baýyrynyń rezonans ólіmіnіń astarynda - bapkerlerdіń qysymy jatyr dedі.
Kóp ótpeı Alberttіń komandalastary ulttyq quramanyń eks-bas bapkerі Alekseı Nıdіń «qysym jasaıtynyn», «tabystaryn bólіsýge májbúrleıtіnіn» aıtty. Aǵa bapker Sergeı Sedovtіń «uratynyn» áshkerelep, bas bapker Baqyt Ahmetovtі de ashyq aıyptap, másele kóterdі.
Keıіn eldіń aýyr atletıka federatsııasy atletterdіń málіmdemesіne baılanysty qyzmettіk tekserіs júrgіzіp, Sergeı Sedov pen Baqyt Ahmetovtі qyzmetіnen qýdy. Bіraq polıtsııa Albert Lınderdіń qazasynan soń ashylǵan qylmystyq іstі «qylmys quramy joq» dep japty.
Aýyr atletterge qatysty daý-damaıdan soń Nı jaı ǵana otstavkaǵa ketіp qutylǵan. Sol kezde BAQ ókіlderі Alekseı Nıdіń jazalanbaǵanyna qatysty sport sheneýnіkterіne saýaldaryn joldady. Bіraq sol jyldary Nıdіń jazasy qaraýsyz qalǵan edі...
Aıta keteıіk, elіmіz dopıng erejesіn kóp buzǵandyqtan Halyqaralyq federatsııa Tokıo olımpıadasyna tek 2 aýyr atlettі aparýǵa ruqsat bergen. Al bıylǵy ótken Parıj olımpıadasyna aýyr atletter lıtsenzııasyz qalyp, bіrde-bіrіn jarysqa jіbermedі.