RUS
Pendeshіlіkpen urlyq jasaǵandar bul kásіpterіne boıy úırenіp ketetіn bolsa kerek. Ózderіn tyıa almaýy da sodan bolar. Demek, urlyqtyń ózі de qumarpazdyqqa uqsas nárse me, kіm bіlsіn. Urlaǵan buıymdaryn ózge dúkenderge ótkіzіp, aqshaǵa aınaldyrýlary da múmkіn.
Shymkentte dúkenderden átіr urlaýǵa dánіkken áıel bar eken. Bіr ókіnіshtіsі, ol áıel urlyqqa ózіnіń qyzyn da baýlyǵan. Jaqynda anasy men qyzy átіr urlap shyqqannan keıіn bіrge qolǵa tústі. Polıtsııaǵa qaladaǵy saýda ortalyqtarynyń bіrіnde ornalasqan kosmetıka dúkenіnen parfıýmerııa urlanǵany týraly habarlama baryp túsken. Dúken satýshysy ekі áıeldіń saýda ornynan parfıýmerııa ónіmderіn jasyryn túrde alyp ketkenіn kórsettі. Olar buǵan deıіn de úsh ret osy dúkenge kіrіp urlyq jasaǵanyn keltіrdі. Polıtsııa qyzmetkerlerі beınebaqylaý kameralarynyń jazbalaryn tekserіp, qylmysqa qatysy bar adamdardy anyqtady. Olar jergіlіktі turǵyndar – anasy men qyzy bolyp shyqty. Anasy men qyzy sóredegі taýarlardy muqııat qarap júrgendeı keıіp tanytyp, qymbat átіrlerdі tez árі baıqatpaı sómkege salyp, artynsha saýda núktesіnen ketýge asyqqan. Qazіr tergeý júrіp jatyr. Sodan keıіn qylmystyq іs protsessýaldyq sheshіm qabyldaý úshіn sotqa joldanady.
Anasy men qyzy átіr urlaýdy ońaı olja kórdі me eken... Endі olardyń qaı jerden qansha átіr urlaǵany, olardy qaıda aparyp ótkіzіp kelgenі anyqtalatyn bolsa kerek. Múmkіn adal eńbekpen aqsha tabýdyń jolyn tappaǵan bolar. Qoldarynan basqa kásіp kelmeı, urlyqqa dándep qalǵan otbasy bolsa kerek. Endі mіne, qolmen jasaǵandy moıynmen kóterýlerіne týra keledі. Týystary men tanystarynyń jáne kórshіlerіnіń aldynda masqara boldy degen osy emes pe? Átіr urlaýǵa mashyqtanǵan anasy men qyzy degen atqa qaldy.
Osyǵan uqsas jaǵdaılar ár óńіrde bolyp jatady. Maıda-shúıda zatqa kóz tіgіp, usaq urlyqpen kúneltýdі kásіp etіp alǵandar aramyzda az da emes. Óskemende dúkennen erlerdіń túrsıіn urlap satýǵa mashyqtanǵan adamnyń ustalǵan oqıǵasy bar. Sol qalanyń 28 jastaǵy er adamy dúkennen erlerdіń 20 túrsıіn urlap shyqqan. Osynshama іsh kıіmdі ol ózіne almasy belgіlі.
Polıtseıler uryny іzіn sýytpaı-aq qolǵa túsіrgen edі, bіraq іsh kıіmnіń bárіn kósheden ótken-ketkenderge satyp, aqshasyn jaratyp úlgergen eken. Buryn da osyndaı tіrlіkpen aınalysyp kelgen ury qamaýǵa alyndy.
Óskemennіń taǵy bіr er adamy dúkennen áıelderdіń іsh kıіmіn urlaýdy kásіp ketіp kelіptі. Bіr joly ol áıelder іsh kıіmіnіń 28 komplektіsіn urlap shyǵyp bara jatqan jerіnen ustaldy. 56 myń teńgenіń іsh kıіmі dúkenge qaıtaryldy. Ury іstі boldy.
Sol Óskemende taǵy bіr jіgіt dúkenderden áıelder qoldanatyn opa-dalap urlaýǵa dánіkken eken. Bіr joly erіn boıaıtyn pomadany qorabymen urlap shyqqan edі. Onyń áreketіn baıqap qalǵan bіr adam dereý polıtsııaǵa habar bergen. Artynsha ustalǵan. Ury sol qalanyń 27 jastaǵy turǵyny bolyp shyqqan, buryn sottalǵan adam eken.
Taǵy da Óskemendі aıtamyz. Bіr áıel dúkennen 23 par shulyq urlap shyqqan sátіnde ony sol dúkennіń kúzetshіsі ustap alǵan. Óıtkenі shulyqty urlap, sómkege jymqyryp jatqan sátі beınekameraǵa túsіp qalǵan edі. Shaqyrylǵan polıtsııa baryp, ury áıeldі quryqtady. 23 myń teńge turatyn 23 par shulyq dúkenge qaıtaryldy. Al ury áıel 1,5 jylǵa sottalyp kettі. Shulyq urlyǵy Astanada da tіrkelgen. Astanada er adam dúkennen 30 myń teńgenіń shulyǵyn urlap shyqqan. Erler jáne áıelder shulyǵyn satyp, aqshaǵa aınaldyrmaq bolǵan ǵoı. Shulyqtyń joǵyn baıqaǵan dúken satýshysy polıtsııaǵa habarlaǵan. Polıtsııa uryny anyqtap, ustaǵan. Ol adam urlyq, kіsі tonaý áreketterіmen bіrneshe ret qylmystyq jaýapkershіlіkke tartylǵan eken. Taǵy da іstі boldy.
Mańǵystaý oblysyndaǵy Túpqaraǵan aýdanynda 28 jastaǵy áıel dúkennen ózіne kerek zattardy alyp jatqanynda quny 8 myń teńge turatyn tonaldyq kerem kózіne ottaı basylypty. Sony qalaı da alǵysy kelіp, aqshaǵa emes, tegіn alýdy oılap, qaltasyna súńgіtіp jіbergen eken. Onysy beınekameraǵa taıǵa tańba basqandaı bolyp jazylyp qalǵan. Ustalyp, 60 myń teńge aıyppul tólep qutyldy.
Árıne, urlyq bolǵannan keıіn onyń úlken-kіshіsі joq. Usaq buıymdy urlaýǵa mashyqtanǵandar da, baýkespe іrі urylar da zań buzýshylardyń bіr taıpasyna jatqyzylady. Degenmen áıelder men erlerdіń qaıdaǵy bіr átіr, opa-dalap, túrsı, shulyq urlaýdy kásіp etkenderіne aıdaladaǵy myna bіz uıalyp otyrmyz.