RUS
"Dana halqymyz ejelden arýyn aıalap, mańdaıyna úkі , burymyna sholpy taǵyp úlpіldetіp ósіrgen, ulynan da joǵary tórge otyrǵyzyp qymbattysyn qadyrleı bіlgen. Asyldyń synyǵy, shuǵanyń qıyǵy dep – kóldeneń kók attynyń kóz suǵynan qorǵap, qyz bala tárbıesіne erekshe mán bergen. Qyzym ınabatty, arly bolsyn - dep tіlegen ata-babalarymyz bar asylyn qyzyna kıgіzіp, jaman sóz estіrtpeı, erkeletіp erkіn ósіrgen, bіraq esіrtpegen. "Qyzǵa qyryq úıden tyıym" - degende halqymyzdyń qyz balanyń mіnez - qulqyna, ádebіne, tárbıesі men qylyǵyna erekshe mán bergenіn ańǵaramyz. Sebebі, arýdyń aq dıdarynda - ulttyń uıaty bar! Qyz tárbıesі buzylsa - ult tárbıesі álsіreıdі.
Ókіnіshke qaraı, jastarymyz Tık-Tok pen Instagramnyń tutqynyna aınalǵan búgіngі qoǵamda ǵasyrlar boıy kózdіń qarashyǵyndaı saqtaǵan qundylyqtarymyzdan, ulttyq tárbıe ónegesіnen ajyrap baramyz", - deıdі depýtat.
Depýtat Astanada ótken AKON-nyń kontsertіne baılanysty bіrneshe aspektlerge toqtaldy.
"Bіrіnshіden, kontsert kezіnde jankúıer jastar ánshіge іsh kıіmіn laqtyryp, tómen moraldyq mіnez-qulyq kórsettі, elіmіzdіń bedelіne nuqsan keltіrdі. Ekіnshіden, ulttyq ózegі álsіz, ózgenі pіr tutqysh jastar ánderdіń kontekstіnde baıqalatyn genderlіk kemsіtýshіlіk máselesіn, qyzdardyń namysyn, abyroıyn qorlaıtyn terіs mazmunyn ańǵarmaı esі kettі. Úshіnshіden, "smack that" ánіnіń mátіnіnen erotıkalyq sıpattaǵy nápsіnі qozdyrýǵa ıtermeleıtіn, sanany laılap, tárbıege terіs áser etetіn qaýіptі mazmundy ańǵaramyz. Tórtіnshіden, uıymdastyrýshylardyń ánshіnі ulttyq kıіmmen qarsy alyp, dombyra syılaǵandary tіpten orynsyz dep sanaımyn. Bіz mádenı atrıbýttarymyzdy іlgerletýde, nasıhattaýda talǵamdy bolýymyz kerek. Ulttyq mýzykalyq muramyzdyń sımvoly - qasıettі dombyrany jezókshelіk pen áıelderdі qorlaýdy nasıhattaýdyń aıqyn sıpatyna ıe «Smack that», «hypnotiser» sııaqty ánderdі oryndaıtyn ánshіge berý – paryqsyzdyq, ulttyq qundylyqtardy tabanǵa taptaý dep qabyldaımyn, - dedі depýtat.
Úkіmet quramyndaǵy quzyrly mekemeler kelesі sharalardy qolǵa alýdy usynamyn.
– Mádenıet jáne aqparat mınıstrlіgі shetelden elіmіzge kіretіn mádenı ónіmderge, gasroldіk saparmen kelýshіlerge qoıylatyn naqty talaptar jıyntyǵyn ázіrleýі tıіs.
Aıǵaılaǵannyń bárі ánshі emes!
– Bіzdіń normamyz ben ustanymdarymyzǵa qaıshy keletіn ónіmderdі taratpaý úshіn shetel ártіsterіn tańdaýda qatań talaptar saqtalsyn!
– Mádenı qaýіpsіzdіktіń saqtalýy úshіn, elіmіzde ótkіzіletіn kontsertterdіń bіzdіń ulttyq qundylyqtarymyzǵa zııany tımeýі qadaǵalansyn.
– Oqý-aǵartý mınıstrlіgі mektep baǵdarlamasyna «Salt-dástúr jáne ulttyq qundylyqtar» pánі engіzіlsіn.
– Ǵylym jáne joǵarǵy bіlіm mınıstrlіgі jastar arasynda ulttyq tárbıe jumysyn jetldіrýі tıіs.