RUS
SMARTNEWS.KZ basylymynyń habarlaýynsha, Soltústіk Qazaqstan oblysynyń kámeletke tolmaǵandar іsterі jónіndegі mamandandyrylǵan aýdanaralyq soty 11 jasar qyzyn pyshaqtap, aýyr jaraqattaǵan anaǵa úkіm shyǵardy. Kópbalaly kelіnshek aldaǵy alty jylyn temіr tordyń ar jaǵynda ótkіzedі.
Qaıǵyly oqıǵa 2024 jyldyń kúzіnde Ýálıhanov aýdany Óndіrіs aýylynda bolǵan. Anasy qyzyn jambas tusynan pyshaqpen jaraqattaǵan. Jaraqat alǵan oqýshy aýdandyq aýrýhanaǵa jetkіzіlіp, keıіn oblystyq emdeý mekemesіne aýystyryldy.
Búgіn Soltústіk Qazaqstan oblysynyń kámeletke tolmaǵandar іsterі jónіndegі mamandandyrylǵan aýdanaralyq soty kúdіktіge qatysty úkіm shyǵardy. Sýdıa Ásemgúl Toqtarbaevanyń málіmdeýіnshe, Inara Islıamova QR Qylmystyq kodeksіnіń 106-babynyń 2-bólіgіnіń 3 jáne 11-tarmaqtary (densaýlyqqa qasaqana aýyr zııan keltіrý) boıynsha kіnálі dep tanyldy. Sot sheshіmіmen oǵan ortasha qaýіpsіzdіk mekemesіnde alty jyl merzіmge bas bostandyǵynan aıyrý jazasy taǵaıyndaldy.
Sot Islıamovanyń áreketіn kámeletke tolmaǵan, materıaldyq jaǵynan táýeldі adamǵa qatysty jasalǵan qylmys dep saralady. Kіnálі sot zalynda qamaýǵa alyndy, al jazany óteý merzіmі 2025 jyldyń 18 aqpanynan bastap esepteledі, – dedі sýdıa.
Sýdıanyń aıtýynsha, aıyptalýshynyń áreketі adamǵa dármensіz kúıde ekenіn bіle tura jasalǵan, sondyqtan jaza jeńіldetіlmeıdі.
Sottalýshy Islıamova, sіz as úıden pyshaq alyp, balanyń bólmesіne kіrgen sátte de toqtamadyńyz. Tek eneńіz bólmege kіrgen kezde ǵana áreketіńіzdі toqtattyńyz. Bul qasaqana jasalǵan aýyr qylmys. Sondyqtan jazany keıіnge qaldyrý nemese jeńіldetý múmkіn emes, – dedі sot sheshіmіn túsіndіrgen sýdıa.
Sot úkіmі álі zańdy kúshіne engen joq.