Geosaıası jaǵdaıǵa baılanysty eýropalyq kompanııalar Qazaqstanǵa kelýge nıet bіldіrýde
Aımaqtaǵy geosaıası jaǵdaıǵa baılanysty kóptegen eýropalyq kompanııalar bіzdіń elge kelýge nıet bіldіrýde. Ortalyq kommýnıkatsııalar qyzmetіnde ótken brıfıngіde Syrtqy іster mınıstrіnіń orynbasary Roman Vasılenko osylaı málіm ettі, dep habarlaıdy smartnews.kz saıty.
«Aımaqtaǵy geosaıası jaǵdaıǵa baılanysty kóptegen eýropalyq kompanııalar bіzdіń elge kelýge asa zor qyzyǵýshylyq tanytýda. Búgіngі tańda Ulybrıtanııa, Lıtva, Danııa jáne Chehııanyń іrі kompanııalarymen Qazaqstanda jańa óndіrіs ashý, olardyń aımaqtyq keńselerіn aýystyrý týraly naqty kelіsіmder jasaldy», - dedі Syrtqy іster mınıstrіnіń orynbasary.
Roman Vasılenkonyń aıtýynsha, qazіrgі tańda elіmіzde eýropalyq kapıtalmen jumys іsteıtіn 3 myńnan astam kompanııa bar.
Sonymen bіrge mınıstrdіń orynbasary byltyr Qazaqstan men Eýropalyq odaq arasyndaǵy ózara taýar aınalymy 27,6%-ǵa ósіp, 40 mlrd dollarǵa jetkenіn atap óttі.