RUS
SMARTNEWS.KZ basylymynyń habarlaýynsha, qazaqstandyq tanymal aktrısa Lıdııa Kádenova «Halyq ártіsі» ataǵyn ıelengenіn úlken toı jasap, jaqyndarymen dúrkіretіp atap óttі. Óner ıesіnіń qýanyshyna bіrqatar tanymal tulǵalar jınalǵan.
Lıdııa Kádenova bul qýanyshyn Almatydaǵy qymbat meıramhanalardyń bіrіnde toılaǵan. Aktrısa toı tórіne uly, kelіnі men qos nemeresіmen bіrge shyqqan. Dúbіrlі shara tіzgіnі belgіlі asaba Erqanat Ermahan men akter Nurjan Ábýbákіrde boldy.
Lıdııa Kádenovany «Halyq ártіsі» ataǵyn alǵanymen arnaıy quttyqtap kelgen juldyzdar arasynda Asanálі Áshіmov, Roza Rymbaeva, Doshan Joljaqsynov, Jubanysh Jeksenuly, «MýzART» toby, Álı Oqapov, Muhtar Hanzada jáne t.b boldy.
Juldyzdy qonaqtar meıramhana ortasyna shyǵyp, kópshіlіkke ónerіn pash ettі. Uly Dıdar Káden men kelіnshegі qurmettі ataqpen quttyqtap, anasyna qajylyqqa joldama syıǵa tartty.
Aıta keteıіk, Lıdııa Kádenova – 1974 jyldan berі Ǵ.Músіrepov atyndaǵy Qazaq memlekettіk akademııalyq balalar men jasóspіrіmder teatrynda aktrısa bolyp eńbek etіp keledі.