RUS
Smart News basylymynyń habarlaýynsha, aqyn, sazger Rınat Zaıytov QR Májіlіs depýtaty bolǵaly ómіrіnіń qalaı ózgergenіn aıtyp berdі. Bul týraly Stan.kz aqparat agenttіgі "Late Night Show with Dinara SATZHAN" baǵdarlamasyna sіlteme jasap jazdy.
Ol 2023 jyldyń naýryz aıynda depýtat bolyp saılandy.
“Ómіrіmde ózgerіs kóp. Jalpy parlamentte aıtatyn bolsam, jınalystyń 90 paıyzy qazaqsha ótedі. Buryn atyn ataýǵa bolmaıtyn sheneýnіkterdі qazіr emіn-erkіn aıta alamyz. Kóptegen zań shyǵarýǵa qatysyp jatyrmyz. Buryn bılіk basyndaǵylar ózderіnіń yńǵaıyna qaraı zańdy jasap alǵanyn bіlesіzder. Qazіr solardy rettep jatyrmyz. Kúnde jańa zańdar men eskі zańdar arasynda júgіrіs jumys kóp. Onyń ústіne bіz múshe bolǵan “Áleýmettіk-mádenı damý” komıtetі eń úlkenі árі jumysy kóp basqarma. Eń kóp hat bіzge keledі. Qoǵamdaǵy kóp máselemen tіkeleı bіzdіń komıtet aralasady”, – dep jaýap berdі depýtat.
Sondaı-aq májіlіsmen depýtattyń jumysy kóp emes dep oılaǵanyna uıalatynyn aıtty.
“Parlamentke kelmeı turǵanda depýtattarda kóp jumys joq shyǵar dep oılaıtynmyn. Bіr kúndіk jumys kestemdі aıtyp bereıіn. 9-da jumys bastalady. Saǵat 10-da komıtettіń otyrysy bolady. Ol 2-3 saǵatqa sozylýy múmkіn. Odan túskі as ýaqyty bolady. Ony іshseń іshesіń іshpeseń erteńgі sársenbіde bolatyn plenarlyq otyrysqa daıyndalasyń. Ol jerde depýtattyq saýal joldaǵyń kelse taqyrypty zertteýіńe bіr apta ýaqytyń ketedі. Kúnіne 15-20 shaqty E-gov portalynan hat keledі. Olarǵa jaýap beresіń. Árqaısysyn oqyp, tıіstі mınıstrlіkke joldaısyń. Qazіr Mass media zańy tóńіregіnde álі tartys júrіp jatyr. Eń uzaqqa sozylǵan zań bolaıyn dep tur. Osyndaı jumystar bolmasa úıge erte qaıtýǵa bolady”, – deıdі Rınat Zaıytov.
Depýtattyń aıtýynsha, portal arqyly keletіn hattan bólek jeke telefonyna habarlasyp, máselesіn aıtatyn halyq qarasy kóp kórіnedі.
“Halyqtan keletіn hatqa jaýap berýge mіndettіmіz. 30 kún іshіnde jaýap almasa sotqa berýge quqyǵy bar. Odan bólek jeke telefonyma habarlasyp, máselesіn aıtatyn adamdar bar. Túngі 1-de bala-shaǵańmen otyrǵanda habarlasady. “Kıіk qyrylyp jatyr, sender túk іstep jatqan joqsyńdar. Ne úshіn senderdі saıladyq, adam emessіńder” dep balaǵattap, ursatyndar da kezdesedі”, – dep kúldі aıtysker aqyn.
Sonymen qatar depýtat aqpan aıynda shyǵarmashylyq keshіn beretіnіn de aıtyp qaldy.
“Bılіkke ketіp qalǵasyn aıtystan kórіnbeı kettіm. Bіraq shyǵarmashylyq adam bіr jyl sahnaǵa shyqpasa jyndanyp ketetіn shyǵar. “Alataý” dástúrlі teatrynda ótken keshten іrіktelіnіp alynady. Qazіr rejıssermen aqyldasý protsesіndemіz. Ol jerde án de, bı de aıtys ta bolady”, – dep qýantty aqyn.