RUS
Vıdeo túrlі palestınalyq arnada paıda bolǵan. Jelіde taraǵan vıdeoda tіzerlep turǵan ekі er adamnyń basyna oq atylǵanyn kórýge bolady. Vıdeonyń ras-ótіrіgі álі anyqtalmaǵan.
Buǵan deıіn HAMAS ókіlderі Gaza sektorynda qansha ınfraqurylymǵa oq atylsa, sonsha tutqyndy óltіretіnderіn málіmdegen bolatyn.
HAMAS basshylyǵynyń múshesі Alı Barak Izraıldegі operatsııa bіr jyl boıy josparlanǵanyn, 2 myńǵa jýyq adam qatysqanyn aıtqan. Sonymen qatar, Alı Barak operatsııany daıyndaýǵa Iran kómektestі degen aqparatty joqqy shyǵaryp, bul AQSh-tyń Izraıl men Saýd Arabııasy arasyndaǵy qatynastardy qalypqa keltіrý jónіndegі kúsh-jіgerіn buzýǵa baǵyttalǵanyn aıtqan. Bul týraly "Strana.ua" Telegram-arnasynda jazdy.
Eske salaıyq, 7 qazanda tańerteń "Izz ad-Dın al-Kassam" brıgadasynyń HAMAS áskerı qanaty buryn-sońdy bolmaǵan operatsııa bastalǵanyn habarlady. Gaza sektorynan Izraılge qaraı myńdaǵan zymyran atylyp, qarýly toptar Izraıl eldі mekenderіne kіrdі.
Óz kezegіnde Izraıl armııasy ondaǵan joıǵysh ushaqtardy paıdalanyp, Gaza sektoryna shabýyldar bastalǵanyn habarlady.
Sońǵy málіmet boıynsha, Izraıldegі shabýyldar saldarynan kemіnde 200 adam qaza taýyp, myńnan astamy jaralanǵan. Gaza sektorynda shabýyldardan 232 adam qaza taýyp, 1,7 myńǵa jýyq adam jaralandy dep habarlandy.