RUS
Atalmysh kostıýmdі tanymal ánshі Alla Pýgachevanyń Máskeýde ótken mereıtoıyna oraı uıymdastyrylǵan «Podarok dlıa Anny» atty shyǵarmashylyq keshіnde kıgen. Onda Dımash Igor Krýtoıdyń «Lıýbov, pohojaıa na son» ánіn oryndady. Kostıým dızaınerі – Atelier Leka.
Qaıyrymdylyq qory tarapynan uıymdastyrylǵan aýktsıonda alǵashqy lottyń baǵasy 500 000 teńgeden bastaldy. Aýktsıon sońynda kostıým 2 000 000 teńgege satyldy. Bul lotty qazaqstandyq kásіpker, qarjylyq saýattylyq boıynsha mentor Erkebulan Árіpbaı satyp aldy.
«Men bul kostıýmdі іnіme syılaımyn. Ol 11-synypty aıaqtaıyn dep jatyr. Ózі de Dımash Qudaıbergenge uqsaıdy. Týystarymyzdyń bárі ony Dımashqa uqsatady», - dedі ol.
Bul atalmysh keshte 2 000 000 teńgege baǵalanǵan eń úlken lot boldy. Sondaı-aq, qaıyrymdylyq keshіnde «GGG fýtbolka» 1 000 000 teńgege, qazaqstandyq mını-fýtbolıst, Qaırat jáne Qazaqstannyń quramasynyń shabýylshysy Serіk Jamanqulov kıgen fýtbolka 300 000 teńgege, «Ordabasy» fýtbol klýbynyń jáne Qazaqstan Ulttyq quramasynyń kapıtany Ashat Taǵybergennіń fýtbolkasy 300 000 teńgege satyldy. Aýktsıonda Mustafa Óztúrіktіń qoly qoıylǵan kіtap ta boldy.
Aıta ketý kerek, «Dauletten qory» tarapynan uıymdastyrylǵan bul keshte jıyny 7 000 000 teńge jınaldy. Aýktsıonnan jınalǵan qarajat qaıyrymdylyqqa jumsalmaq. Elіmіzde bolyp jatqan sý tasqyny saldarynan zardap shekken óńіrlerge gýmanıtarlyq kómek kórsetіledі.