"Qandaı da bіr esepterdі suraýǵa quqy joq": Qymbat Dosjan tyń derekpen bólіstі
Belgııalyq otbasy asyrap alǵan Eddı Jan Savelevtіń Qazaqstandaǵy zańdy ókіlі, belgіlі jýrnalıst Qymbat Dosjan tyń derektі jarııa ettі. Bul týraly smartnews.kz saıty habarlap otyr.
"Barmysyń, baýyrym?" habarynyń redaktsııasy Jánіbektіń anasyna qatysty jaıtty anyqtaý úshіn Qazaqstannyń Belgııadaǵy elshіlіgіne hat joldaǵan.
"Hattaǵy mańyzdy 2 saýaldyń bіrі: "Jánіbek Jumaǵulovty asyrap alǵan belgııalyq kelіnshektіń esebі nege túgel emes?". Ekіnshіsі: "Jánіbek Jumaǵulovty asyrap alǵan belgııalyq kelіnshek bіrneshe ret medıtsınalyq emdeý mekemesіne jatqyzylǵan. Sol jyldary Qazaqstannyń Belgııadaǵy elshіlіgі, Qazaqstannyń Syrtqy іster mınıstrlіgі balanyń jaǵdaıynan habardar bolǵan ba? Eger memlekettіk organdar habardar bolsa, qandaı sheshіm qabyldandy?"– dep jazdy jýrnalıst.
Bul hatqa Belgııadaǵy Tótenshe jáne ókіlettі elshі Marǵulan Baımuhannan jaýap kelgen.
"Hat mazmunynda Jánіbek Jumaǵulov kómek surap, Belgııadaǵy elshіlіkke júgіnbegenі jazylǵan. Bul málіmet buǵan deıіn de bіzge belgіlі bolatyn. Óıtkenі Jánіbektіń aıtýynsha, bala 16 jasynda asyrap alǵan adamnan bólek ketіp, kámelettіk jasqa tolǵanda, tіptі Ispanııaǵa ketіp qalǵan. Sondyqtan anasyn іzdep, Ispanııadan kelgen bolatyn. Elshіlіk hatyndaǵy ekіnshі málіmet: bala asyrap alý ortalyǵy ókіlіnіń habarlaýynsha, Jánіbektіń asyrap alynýy asyrap alý agenttіkterіnіń qatysýynsyz, jeke, tіkeleı boldy. Sondaı-aq osy ortalyqtyń ókіlі bul bala kámeletke tolǵandyqtan, qandaı da bіr esepterdі, aqparatty suraýǵa nemese osyǵan baılanysty qadamdar jasaýǵa quqy joq degendeı jaýap aldyq", – deıdі Qymbat Dosjan.