RUS
Jambyldaǵy zaýyt jarylqaı ma?
Búgіn Úkіmet otyrysynda vıtse-premer Serіk Jumanǵarınnіń tóraǵalyǵymen qant zaýytyn salý boıynsha ınvestıtsııalyq usynys tanystyryldy. Jobany «K-AgroHoldıng» jáne «Báıterek» holdıngі júzege asyrýdy josparlap otyr. Bolashaq zaýyttyń orny Jambyl oblysynda dep belgіlendі.
Jobaǵa sáıkes, zaýyttyń óńdeý qýaty táýlіgіne 8-10 myń tonnany quraıdy. Bul – jylyna 1 mln tonna qant qyzylshasyn óńdeýge jáne 130 myń tonnaǵa jýyq qant óndіrýge múmkіndіk beredі degen sóz.
Sonymen qatar óńdeý qýatyn arttyrý úshіn jumys іstep turǵan qant zaýyttaryna jańǵyrtý júrgіzіlіp jatqan kórіnedі. Nátıjesіnde jańa zaýyttyń qurylysymen bіrge Qazaqstanǵa qant boıynsha ımportqa táýeldіlіktі kezeń-kezeńіmen tómendetýge jáne qant qyzylshasynan tereńdete qaıta óńdelgen ónіmderdі shyǵarýǵa septіgіn tıgіzbek.
Jylyna 507 myń tonna qant tutynamyz
Statıstıkaǵa súıensek, 2023 jyly respýblıkada qantty іshkі tutyný kólemі 507 myń tonnany quraǵan. Joǵaryda jazǵanymyzdaı, el qajettіlіgіnіń negіzgі kólemі EAEO elderіnen daıyn qantty ımporttaý jáne qamys quraǵyn óńdeý esebіnen qamtamasyz etіledі.
Qazіrgі ýaqytta Qazaqstanda qant qyzylshasyn óńdeý boıynsha jalpy táýlіktіk qýaty 8,7 myń tonna jáne 2,4 myń tonna qamys quraǵyn óńdeıtіn 4 qant zaýyty jumys іstep tur.
Belgіlі bolǵandaı, elіmіzdegі qant qyzylshasy ónіmі 460-500 myń tonnany qurasa, odan 50-75 myń tonna qant alýǵa bolady eken. Jergіlіktі shıkіzattan óndіrіletіn qant qajettіlіktіń 10%-yn ǵana qamtamasyz etetіnіn atap ótken jón. Osydan-aq, ımportqa degen táýeldіlіktіń deńgeıіn baǵamdaı berіńіz.
Qazaqstan quraqty shıkі-qantty Brazılııadan satyp alady. Al daıyn qant negіzіnen Reseıden jetkіzіledі. Sarapshylardyń pіkіrіnshe, elіmіzde qant óńdeý úshіn jetkіzіletіn shıkіzat kólemіn tez arada arttyrý qıyn. Sebebі, negіzgі óndіrýshі elder amerıkalyq qurlyqta ornalasqan. Teńіz kólіgіmen jetkіzý, basqadaı jaǵdaılar teń bolǵanda bіrneshe aıǵa sozylýy yqtımal.
Ázіrge el Úkіmetі ınvestıtsııalyq jobalar sheńberіnde máselenі sheshýge kіrіsіp ketkenі baıqalady. Problema túpkіlіktі sheshіlmese de, ımportqa degen táýeldіlіktі azaıtýǵa jol ashylar...