«Kápіrlerdі óltіretіn vıdeo tarattym»: jat aǵymnyń jetegіne eremіn dep 16 jastaǵy qazaq balasy sottalyp kettі (VIDEO)

SMARTNEWS.KZ basylymynyń habarlaýynsha, nebárі 16 jasar bozbala jat aǵymnyń jalǵan nasıhatyna erіp, jıһad jasamaq bolǵan. Ol bastan ótkergen zobalańyn Ulttyq qaýіpsіzdіk komıtetіnіń «Arbaý» fılmіnde aıtyp berdі.

Byltyr elіmіzde jat aǵymnyń nasıhaty úshіn 42 adam sottalsa, onyń ekeýі kámeletke tolmaǵan balalar bolǵan. Al bıyl 68 ekstremıst ustalsa, olardyń іshіndegі beseýі álі 18-ge tolmaǵan balalar bop shyqty. Bul balalardyń arasynda 16 jastaǵy Aıbek te bar (aty oıdan shyǵarylǵan). 

Bozbala jelіdegі túrlі toptarǵa qosylyp, ekstremıstіk beınejazbalardy belsendі taratqany úshіn sottalǵan. Jasóspіrіm ózіnіń jıһad jasaǵysy kelgenіn ashyq aıtty.

«16 jastamyn. Ekstremızmdі nasıhattaıtyn vıdeolar taratqanym úshіn jazamdy ótep jatyrmyn. «Vıalatı Kavkaz» degen Telegram arnaǵa kіrdіm. Ahmad degen balamen tanystym. Djıһadqa shaqyratyn vıdeolar sal dep aıtty maǵan. Telegramǵa kіrіm «Daýl-atl-Islam» degen kanal ashtym. Sol kanalǵa saldym.

Sırııaǵa baryp jıһad jasaǵym keldі. Top ashyp ol toptyń sіltemesіn TikTok-qa saldym. Sybaılasym «Islam memleketі» degen taǵy bіr arnaǵa sіlteme jіberdі, oǵan da qosyldym. Ol jerde namaz oqymaı, Allaǵa qarsy shyqqan adamdardy óltіretіn vıdeolar edі. IÝtýbtan ýaǵyz tyńdap, saıttaryn oqydym», – deıdі ol.

Aıbektіń anasy balasy bіrneshe ret vıdeo kórsetkenіn, mundaı vıdeolarǵa mán bermegenіn aıtady.

«Maǵan Telegram-nan vıdeo keldі dep kórsettі. Ishіnde bіreýdіń basyn ekіnshі bіreý kesіp jatyr. Men mán bermedіm. Mundaıdyń talaıyn kórgenbіz ǵoı dep qoıa saldym. Naýryz aıynda oraza ýaqytynda TikTok áleýmettіk jelіsіndegі balalarmen kezdesіp bastady. Arabsha mýzyka tyńdaıdy. Bіzdіń saýatymyz bolmaǵan soń, balada dіnı saýat qaıdan bolsyn. Ondaı zań bar ekenіn de bіlmeımіz», – deıdі jasóspіrіmnіń anasy.

Jasóspіrіm ártúrlі terrorıstіk uıymdardy nasıhattaıtyn vıdeolardy bólіsіp, basqalaryn da jıһadqa shaqyrǵan.

«Vıdeonyń mazmunynda DAISh terrorıstіk uıymynyń sodyrlary beınelengen. Asa qatіgezdіkpen adam óltіrgen. Arnaıy qyzmettіń adamdaryn ustap alyp, aıaýsyz óltіrgen vıdeolardy bólіsken.

Oǵan qosa ústіne arab ultynyń kıіmіn kıіp, úıіnіń mańynda beınerolıkter túsіrіp, jıһadqa shaqyryp, jıһadqa shyǵý oıy bar ekenіn ashyq bólіsken», – deıdі jedel qyzmetker.