RUS
SmartNews saıtynyń habarlaýynsha, áıgіlі brazılııalyq ánderdі qazaq tіlіnde áýeletken Polına Tyrına esіmdі astanalyq ánshі. Belgіlі mýzykanttyń jýyrda kameralyq albomy jaryqqa shyǵady. Bul týraly 24.kz arnasy jazdy.
Ótken ǵasyrdyń 60-70 jyldary Brazılııada paıda bolǵan mýzyka janry jurtshylyqqa kópten tanys. Folklor men djazdyń qosyndysynan týyndaǵan áýezdі saz portýgal tіlіnen bólek, aǵylshyn, frantsýz, orys tіlderіndegі ánderge arqaý bolǵany qashan. Endі mіne olardyń qataryna qazaq tіlі de qosyldy. Polına hanym osylaı án arqyly bіr jaǵynan tіl syndyrsa, ekіnshі jaǵynan qazaq tіldі aýdıtorııaǵa Bossa Nova janryn nasıhattaǵysy keledі.
- Bіr qyzyǵy, bul úsh ánnen quralǵan kameralyq joba. Ekіnshі jaǵynan bul joba kútpegen jerden halyqaralyq sıpatqa ıe boldy. Óıtkenі prodıýserlіkke reseılіk mamandardy tarttym. Dybysty jazý kezіnde olarǵa qazaq tіlіndegі mátіnderіmdі jіberdіm. Olar mennen keı sózderdіń qazaq tіlіndegі aýdarmany suratyp jatty. Bunyń ózі qyzyq tájіrıbe. Sondaı-aq brazılııalyq sýretshіnі qatystyrdym. Ol albomnyń muqabasyn salyp berdі, - deıdі ánshі Polına Tyrına.
Qazaqstandyq fotograf túsіrgen sýretke qarap, brazılııalyq qylqalam sheberі oǵan túrlі tústі ár beredі. Sóıtіp, albomǵa áp-sátte Bossa novanyń otany, shyraıly Brazılııanyń reńіn bіtіredі. Ol sýretke Polına Tyrına gıtarasyn ustap, qazaqı áshekeıіn taǵyp túsken edі. Jasandylyq jan-dúnıesіne jat ánshі, sahnalyq esіmіn qalaı tańdaǵanyn da aıtyp berdі.
- Mendegі tıktok pen ınstagram paraqshalarymda bіreýler pіkіr qaldyrypty. Jańylmasam, qazaq halyq ánderіn oryndaǵan vıdeolardyń astyna. Sonda Polına hanym dep bastap jazǵan. Sol kezde "hanym" degen qaratpa sózі qatty unady. Nege sahnalyq esіm retіnde qoldanbasqa degen oıǵa qaldym? Túptep kelgende men osy jaqtyń týmasymyn ǵoı, janǵa jyly tıetіn sóz, árі bolmysym odan esh ózgermeıdі. Jalpy, maǵan hanym degen sózdіń maǵynasy qatty unaıdy, - deıdі ánshі.
«Iponema qyzy», «Jylýsyz» jáne «Únsіz tún». Bul Polına hanymnyń repertýaryndaǵy Bossa nova ánderі. Mátіndі qazaq tіlіne aýdarǵan Nargız Makraeva.
Qazіr jobaǵa qatysýshylar kameralyq albomnyń tusaýkeserіne qyzý daıyndalyp jatyr.
- Negіzі mynaý menіń arab ánderіn oryndaǵan kezde kıetіn kostıýmderіm, olar da mýzykalyq ómіrіmnіń bólshegі. Bulardy kıgende ózіmdі patshaıym sııaqty sezіnemіn. Jeksenbі kúnі ótetіn kontsertіme kelseńіzder, ne kıetіnіmdі kóre alasyzdar. Bossa nova úshіn etnıkalyq úlgіde, sándі bіraq mіndettі túrde yńǵaıly kıіm kıіp shyǵamyn. Óıtkenі aspapta oınaımyn ǵoı. Kımіnіń yńǵaıly bolǵany asa mańyzdy, - deıdі ánshі.
Polına Tyrınanyń oryndaýyndaǵy qazaq Bossa nova jınaǵy 3 jeltoqsan kúnі astanalyq jurtshylyqtyń nazaryna usynylady.
- Janyma jaqyn tartqan bul janr ómіrіmnіń ajyramas bólshegіne aınaldy. Endі osy jobam arqyly Brazılııa halqy Qazaqstan týraly tanyp bіlse degen arman-tіlegі bar, - deıdі Polına hanym.