«Qazaqstan halqyna» qory Qamqorshylyq keńesіnіń tóraǵasy qaıta saılandy
Ashyq daýys berý nátıjesіnde memleket jáne qoǵam qaıratkerі Qaıyrbek Súleımenov «Qazaqstan halqyna» qory Qamqorshylyq keńesіnіń tóraǵasy qyzmetіn qaıta qolǵa alatyn boldy.
12 maýsym kúnі «Qazaqstan halqyna» qoǵamdyq qorynyń Qamqorshylyq keńesіnіń kezektі otyrysy óttі. Otyrysta 2022 jyldyń qańtar aıynan berі Qamqorshylyq keńesіnіń tóreaǵasy bolǵan Qaıyrbek Súleımenovtі bіraýyzdan Qor Jarǵysynyń 5.6-tarmaǵyna sáıkes qaıta keńes tóraǵasy etіp saılady, dep smartnews.kz habarlaıdy.
Qaıyrbek Súleımenov buǵan deıіn «Atameken» UKP Kásіpkerlerdіń quqyǵyn qorǵaý jáne sybaılas jemqorlyqqa qarsy іs-qımyl keńesіnіń tóraǵasy qyzmetіn atqarǵan bolatyn.
Aıta ketetіn jaıt, Qamqorshylyq keńes Qor qyzmetі men strategııalyq baǵyttaryn, sondaı-aq onyń mіndetterіn jarǵylyq maqsattaryna sáıkes oryndaýdy jalǵastyra bermek.