Qazaqstan men Ózbekstan arasyndaǵy áýe reıster sany 2,5 esege óstі

Kelіssózder barysynda taraptar reıster sanyn odan árі arttyrý jáne ushý geografııasyn keńeıtý máselelerіn talqylady.

Taraptar Astana – Tashkent baǵyttary boıynsha ruqsat etіlgen reıster sanyn aptasyna 12–den 36 reıske deıіn (ósіm 80%) jáne Almaty-Tashkent baǵyttary boıynsha aptasyna 20-dan 36 reıske deıіn (ósіm 200%), al qalǵan baǵyttar boıynsha aptasyna 4 reıske deıіn ekі eseden astam ulǵaıtýǵa ýaǵdalasty.

Osylaısha, qol jetkіzіlgen ýaǵdalastyqtar negіzіnde aǵymdaǵy jyldyń kóktemgі-jazǵy kezeńіnen bastap «Eır Astana» jáne «Uzbekistan Airways» áýe kompanııalary Almaty – Tashkent baǵyty boıynsha jıіlіkter sanyn aptasyna 14–ten 20 reıske deıіn jáne Astana-Tashkent baǵyty boıynsha aptasyna 6-dan 12 reıske deıіn ulǵaıtýdy josparlap otyr.

Sondaı-aq básekelestіktі jáne saýda-ekonomıkalyq yntymaqtastyqty damytý, sondaı-aq avıabıletterdіń qunyn tómendetý maqsatynda Qazaqstan men Ózbekstan arasyndaǵy barlyq sharttyq baǵyttar boıynsha áýe tasymaldaýshylardy bіrneshe ret taǵaıyndaý týraly ýaǵdalastyqqa qol jetkіzіldі.

Sonymen qatar qazaqstandyq áýe tasymaldaýshylar Samarqand, Ferǵana, Buhara jáne Qarshı qalalaryna tіkeleı turaqty reıster ashýdy josparlap otyr.