RUS
7 qarashada Almatyda avtor jáne marketıng boıynsha sarapshy Vıktor Elıseevtіń bіregeı zertteýі - «Detı 90-h» kіtabynyń tusaýkeserі óttі.
Mıllenıaldar urpaǵyna arnalǵan bul basylym 1986-2000 jyldar aralyǵynda týylǵan adamdardyń ózara yqpaldasý erekshelіkterі, medıa salasynda ne qalaıtyndyqtary jáne qundylyqtary tereń árі jan-jaqty turǵydan zerdelengen eńbek.
Mıllenıaldar Qazaqstannyń eńbekke qabіlettі halqynyń 63% jáne jasy 24-ten 37 jasqa deıіngі Qazaqstan turǵyndarynyń 23% quraıdy. Qazaqstanda mıllenıaldardyń 60% astamy ekonomıkalyq jáne áleýmettіk ómіrge belsendі qatysýda. Mıllenıaldar Qazaqstannyń startap-ekojúıesіnіń negіzgі qatysýshylaryna aınaldy: jańa kásіporyndarmen bıznestіń 70% astamyn dál osy býynnyń ókіlderі qurap otyr. Olar dástúrlі salalardy túrlendіrýde mańyzdy ról atqara otyryp, táýekelge barýǵa, jańa tásіlderdі qoldanýǵa jáne ony engіzýge daıyn.
Menіń oıymsha, kóptegen adamdar úshіn qazaqstandyq mıllenıaldardyń boıynda ózіn-ózі baǵalaýshylyq sezіmі joǵary bolǵanymen, depressııanyń da deńgeıіnіń joǵary bolatyndyǵy kútpegen jaıt bolar. Olarda erkіndіk kóbіrek. TSınızm da kóbіrek. Bul urpaqtyń ambıtsııasy men armany zor, bіraq olar ony shyndyqqa aınaldyrýdan jasqanady. Qazaqstandaǵy mıllenıaldar otbasylyq jáne mádenı qundylyqtarymen erekshelenedі. Úlken adamdarǵa degen kózqarastary bólekteý. Eńbek etýge degen de kózqarastary ózgesheleý. Mıllenıaldardyń 90% astamy bіr kompanııada úsh jyldan artyq jumys іstemeıdі, - deıdі «Detı 90-h» kіtabynyń avtory Vıktor Elıseev.
Bul jumys avtor júrgіzgen ekі jyldyq zertteýge negіzdelgen, oǵan saýalnamalar men suhbattar arqyly 400-den astam qazaqstandyq qatysty. 2017 jyly TSıýrıhte mıllenıaldardyń qazaqstandyq kompanııalardyń damýyna áserі taqyrybynda Elıseevtіń doktorlyq dıssertatsııasynyń qorǵaýy ótken bolatyn.
Avtor áleýmettіk-mádenı túrlendіrýdіń qazaqstandyq mıllenıaldardyń tulǵalyq jáne kásіbı ambıtsııalarynyń qalyptasýyna áserіn taldaıdy.
7 qarashada «Santa Barbara» nostalgııalyq klýbynda ekі júzden astam qonaqtyń qatysýymen kіtaptyń tusaýkeserі óttі. Bul Vıktordyń dostary men árіptesterі, qoǵam qaıratkerlerі, estrada juldyzdary, medıasfera men bıznes ókіlderі.
Tıіmdі jumys іsteý úshіn ár túrlі jastaǵy toptarǵa degen kózqarasty saqtaı alý asa kerek ekenіn eskerý qajet. Iá, mıllenıaldar aqparat aǵynynda óte jaqsy baǵdarlanǵan, aqparat kólemі úlken bolsa da, qajettі derekterdі tez taba alady. Eger aǵa urpaq býyn joǵary jalaqy úshіn jumys іstese, mıllenıaldar úshіn jumys olardyń ómіr saltyn qoldaýy tıіs jáne jeke maqsattaryn júzege asyra alýymen mańyzdy. Vıktor Elıseevtіń kіtaby mıllenıaldar úshіn ǵana emes, basqa da urpaq ókіlderі úshіn qyzyqty bolady, - dedі іs-shara qonaǵy, Almaty máslıhatynyń depýtaty, kásіpker jáne jýrnalıst Qarashash Júzeeva.
Avtor negіzgі urpaqtardy egjeı-tegjeılі sıpattaıdy. Mıllenıaldarmen qatar olar bebı-býmerler (1946-1964 jj. týylǵandar), X urpaǵy (1965-1986 jj. t.), Z býyny (1997-2012 j. t.) jáne alfa býyny - (2013-2025 j. t.)
Vıktor Elıseevtіń kіtaby-qoǵam, ekonomıka bіlіm, medıanyń túrlenýі ıіrіmіnde bіzdіń balalarymyzdyń bіrneshe urpaǵynyń qandaı metamorfozalarǵa ushyraǵanyn túsіndіre alatyn kópten kútken zertteý... Qalyptasqan stereotıpterdі joqqa shyǵara otyryp, ol mıllenıaldar urpaǵyn túsіnýge jol ashatyn bıznes ıelerі men top-menedjerlerіne «kіltter» arsenalyn usynǵandaı». «Detı 90-h» - urpaqtar arasyndaǵy kıkіljіńderdі jeńіldetý jáne jumsaq retteý úshіn paıdaly zertteý, - dep oıymen bólіstі іs-shara qonaǵy, Family Capital Institute muragerlіk josparlaý jónіndegі keńesshіsі Ermek Rústembekuly.