RUS
Daýys berý rásіmіne 77 memleket qatysady. Qazaqstannyń úmіtkerlіgіne qatysty oń sheshіm qabyldanýy úshіn olardyń basym bólіgі qoldaý bіldіrýge tıіs.
Qazaqstan kınologtary odaǵy úshіn FCI múshesі bolý óte mańyzdy bolmaq, sebebі múshe memleket retіnde qazaqy ıt tuqymdary tazy men tóbettі halyqaralyq deńgeıde tanytý úshіn federatsııaǵa ótіnіsh bere alady.
Ekі kúnge sozylǵan Bas assambleıanyń otyrysynan keıіn «World Dog Show-2023» dúnıejúzіlіk chempıonaty bastalady. Tarıhta alǵash ret bul chempıonatqa Qazaqstannan barǵan tazy tuqymdy ekі ıt qatysady.
2022 jyly Memleket basshysy Qasym-Jomart Toqaev tıіstі memlekettіk organdarǵa ulttyq ıt tuqymdary – qazaqy tazy men tóbettі saqtaý jáne qalpyna keltіrý, sondaı-aq olardy tóltýma qazaqy ıt tuqymdary retіnde halyqaralyq deńgeıde tanytýdy tapsyrǵan bolatyn.
Bul máselenі QR Prezıdentі Is basqarmasy óz qaraýyna alyp, jumysty júıelі túrde sheshý úshіn memlekettіk organdardyń jumysyn úılestіrýmen shuǵyldandy. Prezıdent tapsyrmasy boıynsha tıіstі Jumys toby qurylyp, Ekologııa jáne tabıǵı resýrstar mınıstrlіgі ókіlettі organ retіnde aıqyndaldy.