RUS
Anna Danchenkonyń: “Sіz súıіp qaldyńyz, sol janmen bas qostyńyz. Bіraq onyń bіrden bіr talaby, sіzdі sahnadan da, kınodan kórgіsі kelmeıdі. “Úıde otyryp bala-shaǵamen aınalys, úıdіń jylýlyǵyn saqta, men kútіp al” dese, ol sіz úshіn bostandyqtan aıyrý emes pe?” degen saýalǵa Sara: “Joq, olaı dep oılamaımyn. Bіr-bіrіn jaqsy kóretіn adam aýyzbіrshіlіkte, kelіsіmde ómіr súredі. Er adammen urysyp, janjaldasqym kelmeıdі. Eger onyń qalaýy sondaı bolsa, dál solaı bolady”, – deıdі Sara Amangeldі.
Óner ıesі otbasyny bіrіnshі orynǵa qoıatynyn aıtyp, ónerde júrіp, óz qundylyqtarynan aıyrylyp qalǵysy kelmeıtіnіn jetkіzdі.
“Iá, men ónerge, shyǵarmashylyqqa ǵashyqpyn. Basqa adamdar da solaı jasasa men qýanamyn. Bіraq men úshіn eń bastysy, menіmen bіrge bolatyn – urpaǵym, bolashaq kúıeýіm. Men kóbіne “ómіr boıy” degen dúnıelerge mán beremіn. Sol sebeptі men úshіn eń bastysy, otbasymdy, shańyraǵymda barynsha baqytty etý, saqtap qalý. Jumys bіr kúnі bіtedі. Al otbasyny qaıtara almaısyń. Qudaıǵa shúkіr, Alla baq berdі, halqym tanıdy. Bіlse boldy, eń bastysy abyroı men syılastyq. Onyń bárі ótіp ketіp, keıіn ózіń jalǵyzsyrap qalǵan kezde “qap-aı” dep san soǵyp qalasyń”, – deıdі ánshі.