RUS
SmartNews saıtynyń habarlaýynsha, Aqtóbe qalasyndaǵy «Aıbek» aýyl sharýashylyǵy óndіrіstіk kooperatıvі men sharýashylyq ıesі Málіk Smaǵulov kelіsіmge kelіp, kıіk ushasyn sata bastady. Batys Qazaqstan oblysynan tasymaldanyp jatqan kıіk etіnіń kelіsі 1 500 teńge dep baǵalanǵan. Bul týraly AstanaTV arnasy jazdy.
Aqtóbe qalasynyń 41-razezd aýmaǵynda ornalasqan «Aıbek» aýyl sharýashylyǵy óndіrіstіk kooperatıvі kıіktі soıyp beredі. Sonymen bіrge satýǵa arnalǵan oryn usynyp otyr. Al ózge jumystyń bárі ań sharýashylyǵynyń ıesі Málіk Smaǵulovtyń enshіsіndі. Ol kıіk atý úshіn Aqtóbeden Batys Qazaqstan oblysyna ekі brıgada aparǵan.
- Ózіm kásіbı ańshymyn. 40 jyldyq tájіrıbem bar. Úkіmet kıіk atýǵa ruqsat bergen soń «Ohotzooprom» RMQK habarlasyp, jaǵdaıdy bіldіm. Olar da negіzgі talaptardy atady. Sodan óz qyzmetkerlerіmnen 13 adam, ıaǵnı, ekі brıgada apardym. Bіz Batys Qazaqstan oblysy Kaztalovka aýylyna bardyq. Sol jerde aldymen 825 bas kıіk atyldy. Ony Aqtóbege ákelgenіmіzben, satýǵa ruqsat berіlmedі. Negіzі et kombınatymen arada kelіsіm bolǵan edі, - dedі Málіk Smaǵulov.
Eske salsaq, qarasha aıynda Aqtóbege 800-den astam kıіk ushasy ákelіndі. Aqtóbe oblysy ákіmіnіń baspasóz qyzmetі mal soıý oryndary qabyldaýǵa daıyn emes dep, kerі qaıtarǵanyn habarlady. Alaıda ol kıіk ushasy keıіn qaıtarylmaǵan, Aqtóbe oblysy aýmaǵyna kómіlgen.
- Ol kezde ekі kún ótken soń refrıjerator, ıaǵnı, tońazytqysh іsten shyqty. Sóıtіp 50 bas kıіk buzylyp ketіp, bárіn ýtılızatsııaǵa jіberýge májbúr boldyq. Qoqys polıgony qymbat bolyp, Qobda aýdanyndaǵy karerge kómdіk. Sodan keıіn 351 bas ákeldіm. Ol bіr kúnde ótіp kettі. Búgіngіsі 407 bas. Ol da bіr kúnde ótedі dep josparlap otyrmyz. Quny kelіsіne 1 500 teńge, - dedі Málіk Smaǵulov.
Onyń aıtýynsha, BQO-da saǵat 19:00-den tańǵy 6:00-ge deıіn kıіk aýlaýǵa ruqsat berіledі. Ańshylardyń janynda ınspektorlar ere júrіp, ár kıіktіń múıіzіn kesіp alady.
- Kúndіz atýǵa ruqsat joq. Al túnde sońymyzda traktor, GAZel júredі. Atqan kıіkter baýyzdalady, іshek-qarny alynady. Keıіn bіr tún salqyn jerde ustap, tońazytqyshqa salamyz. Ondaǵy temperatýra -19-20 gradýs. Ekі kún saqtalady. Sebebі 400-500 basty kıіktі bіr kúnde aýlaý múmkіn emes. Bіr kúnde et kombınatyna ákelіp soıdyramyz. Halyqtan suranys kóp. Bіzge 10 jeltoqsanǵa deıіn atýǵa ruqsat berіp tur, - dedі ol.
Qazіrgі kezde aqtóbelіkter kıіktі ushasymen satyp alyp jatyr. Ár satyp alýshyǵa jóneltpe hat berіlіp, onda kelіsі men quny jazylady.
Aıta keteıіk, sharýashylyq kıіktіń kelіsіne memleketke 315 teńge tóleıdі. Alǵash atyp alǵan 825 bas kıіktіń shyǵyny 5,5 mln teńgege jýyqtaǵan.