RUS
SMARTNEWS.KZ basylymynyń habarlaýynsha, Pavlodar oblysyndaǵy Ekіbastuzda 27 jastaǵy jіgіt mektepke basyp kіrmek bolyp, oqýshylar men olardyń ata-analaryn shoshytty. Bul týraly Liter.kz portaly jazdy.
Málіmetterge sensek, keleńsіz jaǵdaı 18 qazan kúnі kúndіzgі ýaqytta bolǵan. Jas jіgіt óz kóılegіn basyna kıіp alyp, №26 mektepke kіrýge tyrysqan. Mektep qyzmetkerlerі ony kіrgіzbeı qoıdy. Sodan keıіn ol jerge otyryp alyp, jatpaq bolǵan.
Buǵan Ekіbastuz bіlіm bólіmі basshysy Laýra Dısıýpovanyń jaýap berіp, jіgіt atalǵan mektepke jaqyn ornalasqan aýdanda turatynyn aıtty.
"Ol mektepke kelіp, іshke kіrmek boldy. Bіraq kúzet qyzmetі durys áreket ettі. Barlyq jerde kameralar bar. Ózіm de qarap shyqtym. Kúzetshі men vahter jedel áreket etý túımesіn basyp, ekі mınýt іshіnde "Kúzet" kompanııasynyń qyzmetkerlerі keldі. Olardy kútіp turǵan ýaqytta kúzetshі er adamdy ustap turdy. Úsh mınýttyń іshіnde polıtsııa da kelіp jettі. Algorıtm boıynsha bárі durys jasaldy. Er adamdy bіrden aýrýhanaǵa aparyp, arnaıy medıtsınalyq mekemege ornalastyryldy. Sebebі ol aqyl-esіnde bolmaǵan. Bul jaǵdaıǵa psıhıatrlar aralasty", – dep túsіndіrdі Laýra Dısıýpova.
Polıtsııanyń málіmetіnshe, ustalǵan adam – 27 jastaǵy Ekіbastuz turǵyny, oqıǵa kezіnde ol mas kúıde bolǵan.
"Ustalǵan kezde er adamnyń qatty mas kúıde ekenіn baıqaǵan polıtsııa qyzmetkerlerі jedel járdem shaqyrdy. Ony teksergennen keıіn aýrýhanaǵa jatqyzyldy", – dedі Pavlodar oblystyq polıtsııa departamentі.
Sonymen qatar jіgіttіń áreketterіnen eshkіm zardap shekpegenі anyqtaldy. Oǵan qandaı da bіr jaza qoldaný týraly sheshіm álі qabyldanǵan joq.