RUS
SMARTNEWS.KZ basylymynyń habarlaýynsha, Mádenıet jáne aqparat mınıstrlіgі ókіlderі Almatyda azamattardyń narazylyǵyn týǵyzǵan saýda jáne oıyn-saýyq keshenіndegі jarnama týraly málіmdeme jasady. Bul týraly KAZ.NUR.KZ jazdy.
"Bіrіnshіden, kóp áıel alý zańǵa qaıshy. "Neke (erlі-zaıyptylyq) jáne otbasy týraly" kodekstіń 11-babyna sáıkes, bіr nekede turǵan adam basqa adammen neke qııýǵa (erlі-zaıypty bolýǵa) jol berіlmeıdі.
Nekesі tіrkelmegen áıelder zańmen qorǵalmaıdy.
Ekіnshіden, kóp áıel alýdyń áıelderge, balalarǵa jáne qoǵamǵa aýyr zardaby bar. Bul teńdіktі buzady, densaýlyqqa qaýіp tóndіredі jáne múmkіndіkterdі shekteıdі", - delіngen málіmdemede.
Sondaı-aq mınıstrlіktegіler qazaqstandyq qoǵamda otbasylyq qundylyqtarǵa terіs áser etetіn mundaı qubylystarǵa terіs kózqaras qalyptasyp jatqanyn aıtty. Vedomstvo ókіlderіnіń sózіnshe, bіzdіń azamattardyń "qundylyq paketі" otbasynyń qaýіpsіzdіgі men amandyǵy sanalady.
"Áleýmettіk jelіnі paıdalanýshylar, bıznes ókіlderі, blogerler nemese basqa da azamattar qoǵamǵa taratqan aqparaty úshіn jaýapkershіlіktі túsіnýі kerek. Zertteýler boıynsha ǵalamtor pen áleýmettіk jelіlerdіń áserіnen týyndaǵan mіnez-qulyq normalary qýatty faktor retіnde áreket etedі. Mundaı kontenttі kórsetý zańdy jaýapkershіlіkke ákeledі", - dedі vedomstvo ókіlderі.
Buǵan deıіn Almatyda toqaldarǵa arnalǵan sómke satylyp jatqany jónіnde jazǵan edіk.