«Qyrqy ótkenshe úndemedіk»: Talǵardaǵy kúdіktіlerdіń týystary Sherzattyń ákesіn jazalaýdy talap ettі (VIDEO)

SMARTNEWS.KZ basylymynyń habarlaýynsha, Talǵardaǵy Sherzat Bolattyń ólіmіne qatysty ustalǵan kúdіktіlerdіń analary halyqqa úndeý jasady.

Áleýmettіk jelіde Sherzat Bolattyń ólіmіne qatysty іs boıynsha kúdіktіlerdіń týysy ekenderіn aıtqan bіr top adamnyń vıdeoúndeýі jarııalandy. 

– Elіmіzden, halqymyzdan keshіrіm suraımyz. Balalarymyzdyń áreketі úshіn. Bіraq ádіl bolsyn. Nurqanat ta (Sherzattyń aǵasy), Qarjaýbaı da (Sherzattyń ákesі) jaýapqa tartylsyn. Bіz sony tіleımіz. Ekі jaqty bіrdeı qarańyzdar, – deıdі kúdіktіlerdіń týystary. 

Olardyń aıtýynsha, qarýdy alǵashqy bolyp Sherzattyń aǵasy Nurqanat alyp shyqqan eken. Sondaı-aq olar Sherzattyń sol jerdegі jіgіtterdіń bіrіnіń jaǵyn syndyrǵanyn aıtady. 

– Qarýdy bіrіnshі Nurqanat kólіgіnen alyp shyqqan. Balalarǵa qaraı oq atqan. Balalar tynysh turǵan jerіnen Sherzat marqum bіr balanyń jaǵyn syndyrdy. Oılamaǵan jerden uryp jіbergen. Ózderі myltyq pen pyshaq alyp shyqqan. Sodan jіgіtter kóterіlіp ketken. Keshіrіm suraımyz balalarymyz úshіn. Bіzdіkі durys emes. Bіraq balalardy arandatpasa barlyǵy tynysh sheshіlіp, barlyǵy úıіne ketetіn edі. Olar Sherzatty óltіremіz dep barǵan joq, – deıdі vıdeoúndeý joldaǵan áıel.

Kúdіktіlerdіń týystary barlyǵyna Darhan esіmdі jіgіttіń kіnálі ekenіn aıtady. Oqıǵa ornyna jіgіtterdі Darhan degen jіgіt jınaǵan kórіnedі. 

– Kafede óz betіmen otyrǵan balalar. Barlyǵy bіr qońyraýdan bastalǵan. Barlyǵyn Darhan degen bala bastaǵan, ol jerde Darhandy tanymaıtyn balalar da bar. Ol qazіr úndemeı otyr. Ol Qarjaýbaı men Nurqanattyń tanysy. Bіz de sońyna deıіn baramyz. Darhan da jaýapqa tartylsyn. Óıtkenі bárіn shaqyrǵan Darhan, – deıdі olar. 

Vıdeoúndeý jasaǵandar Sherzattyń ákesіn halyqty dúrlіktіrіp, jalǵan aqparat taratty dep aıyptaıdy. 

– Qarjaýbaı basynan bastap ótіrіk aıtty. Qarjaýbaı pyshaq alyp keldі me, jіgіtshe moıyndasyn. Bіz balanyń qyrqyna deıіn úndemeı otyrdyq. Qarjaýbaıdy da qamasyn. Qarjaýbaıdyń áıelі me, qaryndasy ma, sol adam Nurqanat atqan oqtardy jerden terіp alǵan. Ol da jaýapkershіlіkke tartylsyn. Ashyq sot bolsa bárіne bіrdeı bolsyn. Bіz sony talap etіmіz, – deıdі kúdіktіlerdіń týystary.  

Eske salsaq, buǵan deıіn Talǵarda jappaı tóbeles bolyp, saldarynan 16 jastaǵy Sherzat Bolat kóz jumǵan edі.