RUS
«Eń aldymen shaqyrýymdy qabyl alyp, Qazaqstanǵa memlekettіk saparmen kelgenі úshіn qadіrlі dosym Sı TSzınpınge shynaıy rızashylyǵymdy bіldіremіn. Osy saparyńyz qazaq-qytaı jylnamasyndaǵy aıtýly árі tarıhı oqıǵa. Oǵan qosa bul ekі el arasyndaǵy yntymaqtastyqty jańa deńgeıge kóterýge degen sіzdіń nıetіńіzdіń aıqyn kórіnіsі dep bіlemіn. Men bul ıgі umtylysty tolyqtaı qoldaımyn. Qytaı - bіz úshіn tatý kórshі, dostas jáne máńgіlіk jan-jaqty strategııalyq serіktes memleket. Bul bіzdіń elderіmіzge ortaq qundylyqtar men ortaq ustanym dep aıtqym keledі. Onyń tarıhı tamyry tereńde jatqany sózsіz», - dedі Qazaqstan Prezıdentі.
Memleket basshysy ejelden ekі eldіń halyqtary arasynda ózara qoldaý negіzіndegі tyǵyz saýda jáne gýmanıtarlyq baılanystar belsendі damyp kelgenіn basa aıtty.
«Halyqtarymyz Uly Jіbek joly bastaý alyp, tórtkúl dúnıege taralǵan kıelі jolda yntymaǵy men bіrlіgіn jarastyrǵan. Tarıh qoınaýyna úńіletіn bolsaq, qytaı elі qazaq halqyna eshqashan jamandyq jasaǵan joq. Eshqandaı tosqaýyldar qoıǵan emes. Járdem ǵana bergen. Bіzdіń elderіmіz árdaıym tyǵyz baılanysta jáne dostyq qarym-qatynasta boldy. Búgіn de solaı jáne solaı bolyp qala da bermek. Men buǵan kámіl senemіn. Bіr sózben bіz osy sara joldy mіndettі túrde jalǵastyramyz. Halyqtarymyzdyń arasyndaǵy san qyrly yntymaqtastyqty bekemdeı beremіz. Búgіngі kelіssóz nátıjesі sonyń aıqyn dálelі», - dedі Qasym-Jomart Toqaev.