RUS
SMARTNEWS.KZ basylymynyń habarlaýynsha, jelіde Shymkent qalasynyń burynǵy ákіmіnіń aǵasy Marat Áıtenovtіń burynǵy jubaıynyń kúshtep kóshіrіlgen vıdeosy jarııalandy.
Qazaqstandyq Dana Ateshova Instagram paraqshasynda úsh balasymen bіrge úıіnen kúshtep shyǵarylyp jatqany týraly vıdeorolık jarııalady. Onda er adamnyń áıeldі shashynan ustap, úıіnen shyǵaryp jatqanyn kórýge bolady. Ekrannyń ber shetіnde bul Marat Áıtenovtіń burynǵy jubaıy dep aıtylady. Sondaı-aq, vıdeoda jylap jatqan balalar úıіnen qalaı shyǵarylǵanyn, olardyń bіreýіnіń murnynan qan ketіp jatqanyn baıqaýǵa bolady. Oqıǵa quqyq qorǵaý organdarynyń qyzmetkerlerі men jeke sot oryndaýshylarynyń aldynda bolady.
«Eń ókіnіshtіsі, polıtsııa men er adamdar aldynda ol menі taǵy da urdy. Men: «Polıtsııa! Polıtsııa» dep aıqaıladym. Ol menі tunshyqtyrdy, shashymnan súıredі. Bіzde zań qaıda? Polıtsııa ne іstep tur! Ol menіń shashymdy juldy», – dedі Dana Ateshova.
Bul oqıǵaǵa Qazaqstandaǵy Bala quqyqtary jónіndegі ýákіl Dınara Zakıeva túsіnіkteme berdі.
«Dana Ateshova men onyń balalarymen bolǵan jaǵdaıǵa qatysty. Bul jaǵdaı boıynsha bіz qala prokýratýrasyna habarlastyq. Balalardyń anasymen baılanystamyz.
Sondaı-aq, Bas prokýratýraǵa kámeletke tolmaǵandarǵa qatysty qysymnyń, qorqytýdyń jolyn kesý jáne atalǵan faktіlerdі jan-jaqty qaraý jónіnde keshendі sharalar júrgіzý boıynsha ótіnіsh joldandy», – dedі Zakıeva.
Odan bólek jelіde oqıǵanyń qalaı bastalǵany jónіnde beınejazba tarady. Onda Marat Áıtenov áıelge ulynyń atynda bıznes-klasstaǵy páter baryn aıtady.
«Bul senderdіń, balalardyń páterі. Ótіrіk bolsa, onda úıdіń qujattaryn kóreıіk. Men ózіm jeke, senderge, Mansurǵa (uly - red.) bul úıdі bіrneshe ret usyndym. Mansur, senіń atyńda Almatydaǵy bıznes-klasstaǵy tórt bólmelі páterіń bar. Sol óz baspanalaryńda turyńdar, qarsy emespіn», – deıdі Áıtenov.
Beınejazbada Dana Áteshovanyń Áıtenovtі balaǵattap jatqanyn kórýge bolady.