RUS
Úkіmet otyrysynan shyqqan mınıstrge jýrnalıster «Qazіr áleýmettіk jelіde (Oqý aǵartý mınıstrlіgі) mektepte hıdjab kııýge ruqsat berdі dep aqparat tarap jatyr. Endі mektepke hıdjab kıіp kelýge bola ma?» dep suraq qoıdy.
Ǵanı Beısembaev naqty jaýap berýge tyrysty.
Konstıtýtsııa boıynsha Qazaqstan zaıyrly memleket. Mektep te zaıyrly bolyp sanalady. 2016 jyly bekіtіlgen oqýshylardyń (mekteptegі) formasy men kımіne qatysty buıryq bar. Ol ózgergen joq. Sondyqtan balalar mektepke oqýshy formasymen kelýі kerek. Bul balalardyń bіrdeı bіlіm alýy úshіn jasalyp otyr. Sondyqtan bul baǵytta ózgerіs joq. Bárі zań aıasynda árі balalar mektepke belgіlengen tártіp boıynsha kelýі kerek, - dedі mınıstr.
BAQ ókіlderі «Demek oqýshyǵa mektepke hıdjab kıіp kelýge bolmaıdy ǵoı?» dep saýaldy naqtylady.
«Buıryq boıynsha (oqýshy) mektepke formamen kelý kerek. Mektepke kelýdegі maqsat – balanyń sapaly bіlіm men sanaly tárbıe alýy. Endі kóterіp otyrǵan másele (mektepte oqýshylardyń hıdjab kıіp kelýі) muny sheshe ala ma? Bіrіnshіden, negіzgі maqsat pen adamdardyń qosymsha oıyn shatastyrmaýymyz kerek. Bala (mektepte) sapaly bіlіm men sanaly tárbıe alýǵa mіndettі. Ony ata-ana qamtamasyz etýge mіndettі. Ol zańda belgіlengen. Sondyqtan bárіmіz zańdy oryndaýǵa mіndettіmіz», - dedі Ǵanı Beısembaev.