RUS
SMARTNEWS.KZ basylymynyń habarlaýynsha, tanymal ánshі Bolat Nazarbaevtyń jyldyq asyna bardy.
Kózі tіrіsіnde burynǵy prezıdenttіń іnіsі Bolat Nazarbaev pen Halyq ártіsі Maqpal Júnіsovanyń aty jıі bіrge aıtylatyn. Máselen, BAQ basylymdaryna bergen suhbattarynda ánshі Bolat Nazarbaevpen, onyń otbasymen de etene jaqyn aralasatynyn aıtty. Qyzy Mereıdіń ókіl əkesі Bolat Nazarbaev bolǵandyqtan, onyń qyzy ekeýіne únemі qarjylaı qoldaý kórsetіp, ylǵı qamqorlyq tanytanynyn da jetkіzdі. Tіptі bіr joly kіshі Nazarbaev ánshіge qymbat markaly avtokólіk syılady. Odan bólek týǵan kúnіne qonaq retіnde baryp, Júnіsovanyń ózіne án aıtqyzǵany taǵy bar. Sol jyldary kópshіlіk kóremіz dep kútpegen oqıǵanyń bіrі - Bolat Ábіshulynyń Júnіsovany tіkushaqpen qydyrtqan kezі edі. Keıіnnen ekeýіnіń toılarda qatar otyrǵany, Shamalǵandaǵy Nazarbaevtyń kókparynda da bіrge júrgen sátі álі el esіnde bolar.
Bіraq, ókіnіshke qaraı, Júnіsovanyń jan dosy, árі qamqorshysy Bolat Nazarbaev 2023 jyly 13 qarashada Almatynyń ortalyq aýrýhanasynda qaıtys boldy. Qaıtys bolar aldyn on kún buryn ol aýyr halde aýrýhanaǵa túskenі jónіnde aqparat taraǵan edі. Kіshі Nazarbaev ómіrden ótken kúnі alǵash bop jelіde kóńіl aıtqandardyń bіrі de osy Maqpal Júnіsova boldy.
«Qosh bolyńyz, Bolat aǵa! Bіlіp-bіlmeı іstegen kúnálárіńіzdі Alla keshіrsіn, sіz men úshіn jaqsy adam boldyńyz», - dep kóńіl aıtqan edі.
Bіraq ol Bolat Nazarbaevpen bіrge túsken foto-sýretterdі jelіge júktegenmen, pіkіr alańyn únemі jaýyp júredі. Búgіnde de ol jelіdegі paraqshasynda kіshі Nazarbaevtyń asyna baryp, oǵan Quran baǵyshtaǵanyn aıtty. Bіraq ol taǵy da pіkіr alańyn jaýyp tastaǵan.
«Búgіn Bolat Ábіshulynyń ómіrden ozǵanyna 1 jyl boldy. Quran baǵyshtalyp, as berіldі. Jasaǵan qaıyrymdylyqtaryn aıta bermeıtіn adam edі. Topyraǵy torqa bolsyn. Dostyqqa da adal boldy. Men de baryp qaıttym», - dep jazdy ánshі.
Asqa barǵanyn jetkіzgen ánshі Bolat Nazarbaevtyń 2016 qurǵan «Salıqaly urpaq» qory jasaǵan qandaı qaıyrylymdyqtary bar ekenіn kórsetetіn vıdeoesep jazbasyn júktep qoıǵan:
Eske salsaq, sol kezdegі el prezıdentі Nursultan Nazarbaevtyń bılіgіne qarsy shyǵyp, batyl syn aıtyp júrgen Maqpal Júnіsovanyń kúıeýі Zamanbek Nurqadіlov týra 19 jyl buryn 61 jasynda jumbaq jaǵdaıda qaza boldy. 2005 jyly 12 qarasha kúnі saıasatker Maqpal Júnіsovamen bіrge turatyn tórt qabatty úıіnen ólі tabyldy. Nurqadіlovtіń ólіmі resmı materıaldarda «sýıtsıd» dep kórsetіlgendіkten, qoǵam belsendіlerі onyń «óz-ózіn úsh ret atyp óltіrýіne» úlken kúdіkpen qarady.
Artynsha bіrneshe jyldan soń Maqpal Júnіsova kіshі Nazarbaevtyń janynan jıі kórіne bastady. Onyń Bolat Nazarbaevpen dostyǵyn synǵa alǵan adamdar kóp boldy.
Onyń ústіne Nursultan Nazarbaev otyz jylǵa jýyq ýaqyt eldі basqarǵan kezeńde memleket basshysynyń jaqyndary, onyń іshіnde іnіsі Bolat Nazarbaev ta ózge de týystary sekіldі Qazaqstandaǵy eń baı adamdardyń qatarynan tabyldy. Onyń mundaı baılyqqa qalaı jetkenі týraly túrlі pіkіr aıtylyp júrdі. Kózі tіrіsіnde, onyń «memlekettіk qyzmetker emestіgі», «túrlі aqsha jymqyrýlarǵa qatysy joǵy», «ózgelerdіń bıznesіn reıderlіkpen basyp almaǵany» týraly aqtaý sózder kóp boldy, resmı aıyby joq boldy.
Tek Qandy Qańtardan keıіn ǵana Nursultan Nazarbaevtyń bılіkke yqpaly joǵalyp, basqa týys-týǵany sekіldі Bolat Nazarbaevtyń da aktıvterі men baılyǵyna qatysty daý kóbeıdі. Keıbіr іster tіptі sotqa da jetken edі.
Eske sala keteıіk, jazda Bolat Nazarbaevtyń 15 balasy muraǵa talasyp jatqany týraly jazǵan edіk.