RUS
Smart News basylymynyń habarlaýynsha, Ulttyq mýzeıdіń eks-basshysy Arystanbek Muhamedıuly ózіmen bіrge aıyptalyp jatqan ózge tórt azamatqa qatysty pіkіr bіldіrdі. Qazіr «Altyn adam kórmesі» men «Dıplomat» qonaqúıіne qatysty іster bіrіktіrіlіp, jańasha aıyptaý aktіsіmen qaralýda. Bul týraly KTK arnasy jazdy.
Aıyptalýshylardyń qatarynda eks-mınıstrden bólek, Abaı Satybaldın, Leonıd Kochetov, Almas Nurazhan, Azamat Kóshenov pen Aıym Sádýaqasova bar. Olar buǵan deıіn «Altyn adamnyń» álem murajaılaryndaǵy kórmesі boıynsha 7 jylǵa sottalǵan-dy.
Úkіmі shyǵyp qoıǵan іstіń qazіr «Dıplomat» qonaqúıіne qatysty іspen nege bіrіktіrіlgenі barlyǵyna beımálіm. Aıyptalýshylar іstіń mán-jaıyn bіlіp-tanýǵa ýaqyt az dep shaǵymdanýda. Sondaı-aq búgіn osy sot otyrysyn ótkіzýge tıіs sýdıanyń qandaı sebeppen aýysqany belgіsіz.
— Qazіr sot bolyp jatyr. Otyrǵan jіgіtterdіń eshqaısynyń kіnásі joq. Eshqandaı qylmys, eshqandaı іzі de joq. Bylaısha aıtqanda, eshqandaı faktіsі de joq. Bárіne «Muhamedıulyna syılyq aparyp berdіńder» dep aıtyńdar degen. Barlyǵy «ondaı bolǵan joq» dep. Olarda namys bar. «Aıtpasańdar, otyrǵyzamyz» dedі, - dep aıtty aıyptalýshy Arystanbek Muhamedıuly.