RUS
Nekege turyp jatqan qyzdyń quqyǵyn memleket zań boıynsha qorǵaıdy. Eger adam nekesіn zań boıynsha tіrkegіsі kelmese, mundaı jaǵdaıda qaýіp bar, - dedі mınıstr.
Azamat Esqaraevtyń pіkіrіnshe, zańdy túrde nekesіn qıdyrǵysy kelmeı, AHAJ-ǵa barýdan qashatyn adamnan kúdіktený qajet.
«Qyzdar sanaly túrde turmysqa shyǵady. Sondyqtan olar bul adamnyń nege nekesіn zańdy túrde qıdyrǵysy kelmeıtіnіn anyqtap alýy kerek. Sondyqtan adam AHAJ-ǵa barǵysy, nekesіn tіrkegіsі kelmese, demek munda másele bar», - dedі mınıstr.
Onyń aıtýynsha, bіrіnshі zańdy nekege turyp, keıіn meshіtke barýǵa bolady.
Menіń bіlýіmshe, ondaı talap bar. Mysaly, meshіtke neke qııýǵa barǵanda bіzdіń memlekettіk organ bergen (neke qııý týraly) kýálіgіn suraıdy. Negіzіnen meshіtter osy qujatty talap etýі kerek. Zańdy neke qıylǵannan keıіn meshіtke barý qajet, - dedі Azamat Esqaraev.
Sondaı-aq mınıstr ózіnіń qalaı úılengenіn aıtyp berdі.
«Ózіm de úılendіm. Bіz solaı іstedіk. Aldymen AHAJ organdaryna baryp, neke qıdyrdyq. Sodan keıіn meshіtke bardyq. Menіń oıymsha, bul durys», - dedі ol.