Meshіttegі namaz ýaqytynda bіr-bіrіn sabaı jónelgen er adamdardyń áreketі eldіń qyzý talqysyna tústі

Tanymal pablıkterdіń bіrіnde paıda bolǵan vıdeoda oqıǵa shamamen Túrkіstan oblysynyń Saryaǵash aýdanyndaǵy meshіtterdіń bіrіnde bolǵany aıtylǵan.

Oqıǵa 12 mamyrda keshkі aqsham namazy kezіnde bolǵan. Bul sáttіń vıdeosy jelіde paıda boldy. Onda ózgelermen qatar namaz oqyp turǵan er adamdy ekіnshіsі judyryqpen uryp jіbergenіn baıqaýǵa bolady.

Qazaqstan musylmandary Dіnı basqarmasynyń málіmetіnshe, ózge mázһabta namaz oqyǵan bіr top adam jamaǵat pen ımamnyń ótіnіshіne qulaq aspaı, meshіt erejesіn óreskel buzǵan.

Namaz kezіnde «Ámın» duǵasyn qatty daýyspen aıtqan jandardyń áreketіne tózbegen meshіtke turaqty kelýshі bіr azamat olardyń bіrіne qol jumsaǵan. Nátıjesіnde ımam jamaǵat namazyn toqtatýǵa májbúr bolǵan.

«Oqys oqıǵa der kezіnde toqtatylyp, polıtsııa qyzmetkerlerі tıіstі jumys júrgіzgen. Qazaqstan musylmandary Dіnı basqarmasy meshіtke kelýshі jamaǵatty meshіt erejesіne baǵynýǵa, sonymen qatar qulshylyq úıіnde sabyr saqtap, kórkem mіnez tanytýǵa shaqyrady», - delіngen QMDB málіmetіnde.

Aıta ketsek, QMDB bekіtken «Meshіt erejesі» boıynsha Qazaqstan musylmandarynyń aýyzbіrshіlіgі men bіrtutastyǵyn qamtamasyz etý úshіn namaz ben dіnı rásіmder Ábý Hanıfa mázһaby boıynsha oryndalady.