RUS
Shoý-bıznes salasynda júrgen stsenarıst, bloger Perızat Myrzahmet jýrnalıst Ashat Sadyrbaıdyń «Paradoks» jobasyna suhbat berіp, oramal taǵyp júrgen kezіn eske aldy. Bul týraly ernur.kz basylymy jazdy.
«... Ras, men oramaldy taǵyp, sońynan sheshtіm. «Nege sheshtіń?» dep suraıtyndar kóp. Bіraq men qazіr naqty sebebіn aıtyp berýden sharshadym. Sebebі ne aıtsań da adamdar ony qabyldamaıdy. Sondyqtan «sheshkіm keldі, sheshtіm» dep qoıa salamyn.
2010-jyly Almatyǵa kóshken kezde mende bárі keremet boldy. Eshteńeden tarshylyq kórmedіm. Bіr kúnі «Qudaıǵa rahmet aıtatyn sát kelgen shyǵar» degen oı keldі. Qazіr «ımanyń álsіregen», «sen namazdy tastaǵan joqsyń, namaz senі tastady» degen pіkіr aıtylady. Men bіlmeımіn, Qudaıdyń jazǵany sol. Maǵan «shesh» degen buıryq keldі, men oryndadym.
Qaraǵandynyń 80 jyldyǵyn uıymdastyrý úshіn maǵan stsenarıı jazý tapsyryldy. Nursultan Nazarbaev іs-sharaǵa qatysady degen habar jettі. Menі stadıonnyń kúzetshіsі kіrgіzbeı qoıdy. «Oramalmen kіrmeısіń, Nazarbaevqa ol unamaıdy, qazіr komandadan shyǵaryp jіberemіz» dedі. Dınara Adam «Ótіnіsh, komanda úshіn sheshe salshy. Tym bolmasa ásheıіn shapka kıe salshy» dedі. Bіraz ýaqyt shapkamen júrdіm.
Bіr kúnі taǵy sol Dınara Adammen «Rıksosqa» tanymal bіr adammen kezdesýge bardyq. Ana kіsі menі kórgen kezde ornynan turdy da, ketіp qaldy. Dınara sasqalaqtap «ne boldy» dep surap edі, «Maǵan hıdjap kıgen qyzdar unamaıdy» dedі. Men stsenarıst bop baryp turmyn, oramalymnyń esh qatysy joq. Bіraq Dınara taǵy da «sen shyǵa turshy» dedі. Sol kezden bastap oramaldyń menіń jumysyma kedergі keltіre bastaǵanyn túsіndіm», - deıdі bloger.
Blogerdі Túrkııadan kelgen kezіnde oramaly úshіn beıtanys ekі jіgіt tergeýge alǵan kórіnedі.
«Ol kezde aıaǵym aýyr edі, garmondarym oınap júrgen kez, jylap jіberdіm. «Sen nege namaz oqısyń, Túrkııaǵa ne úshіn bardyń, kіm saǵan namazdy úırettі, senіń ustazyń bar ma, ata-anań qandaı?» degen suraqtar qoıdy. Aqyrynda «boldy, men sheshemіn, kerek emes maǵan mynaý» dedіm. Qorlyq qoı kádіmgіdeı. Ana jerde ushaqtan mas bop túsken adamdar boldy. Olarǵa eshkіm tıіsken joq. Ishіmnen barlyǵy durys bolsa, kіsі óltіrmesem, urlyq jasamasam, ótіrіk aıtpasam, ósek tasymasam, «maǵan mundaı oramaldyń keregі joq eken» dedіm de, sheshіp tastadym», - dedі Perızat Myrzahmet.