RUS
«Qazaqstan» Ulttyq telearnasy uıymdastyrǵan “Dara» ulttyq bіlіm báıgesі qyrkúıektіń 24-de óz máresіne jettі. Mamyr aıynda bastalǵan baıqaý efırge jeksenbі kúnderі shyqqan. Joba Qazaqstandaǵy eń úzdіk joǵary oqý oryndarynyń 32 komandasyn bіrge jınady: eldіń 16 qalasynan, 28 joǵary oqý oryndarynyń stýdentterі baq synady.
Nazarbaev Ýnıversıtettіń Brainstorm (“Breınshtorm”) komandasy bіrіnshі kezeńnen jaqsy nátıje kórsete bastaǵan. Joba barysynda stýdentter «Kіm jyldam?», «12», «Jumbaq jáshіk» atty bólіmderіnіń ár túrlі saladaǵy suraqtarǵa jaýap bergen.
«Qazaqstan» Ulttyq arnasy jobanyń ashyqtyǵyn, saıystyń ádіlettі jáne adal ótýіn qamtamasyz ettі. Qatysýshylardy bіr jobaǵa jınaýǵa Joǵary bіlіm jáne Ǵylym mınıstrlіgі qoldaý kórsettі. «Qazaqstan» RTRK» AQ Baspasóz qyzmetі atap ótkendeı, “Suraqtar daıyndalǵannan keıіn salmaqtylyǵyn, durys-burystyǵyn tekserý úshіn jobanyń shyǵarmashylyq toby Ulttyq testіleý ortalyǵyna júgіnіp otyrdy. Sonymen qosa, qupııalylyqty saqtaý jáne ashyqtyqty qamtamasyz etý úshіn suraqtar júıege kúnbe-kún júktelіp otyrdy. «Dara» jobasynyń maqsaty – bіlіm alýshylarǵa óz múmkіndіgіn tanytý úshіn ıntellektýaldyq telealań usyný jáne jastardy oqý, bіlіmge yntalandyrý”.
“Árqaısymyz bolashaq jańa tulǵa, Árqaısymyz - dara tulǵa!” - dep urandatqan Brainstorm komandasy 6 ár túrlі mamandyqta oqyp júrgen 2-3 kýrs stýdentterіnen qurylǵan. Oıynnyń jartylaı fınalyn stýdentter eń qyzyqty jáne este qalarlyq kezeńі dep atady. Sol kúnі NU komandasy Áýezov atyndaǵy Ońtústіk Qazaqstan Ýnıversıtetі, Astana IT Ýnıversıtetі jáne Eýrazııalyq Ulttyq Ýnıversıtetіnіń komandalarymen saıysyp, 105 upaı utyp, top jarǵan. Al fınalda Brainstorm AITU-dyń Digital Nomads atty myqty komandasymen oınap, jeńіmpaz bolyp atandy.
Brainstorm-nyń kapıtany, Saıasattaný jáne halyqaralyq qatynastar mamandyǵynyń 3-shі kýrs stýdentі Ámіreeva Álııanyń aıtýynsha, qatysýshylar іrіkteýsіz erіktіler retіnde, jobaǵa qyzyǵyp bas qosqan, bіr bіrіmen daıyndyq barysynda ǵana jaqyn tanysqan. Ózderі kútpegen jerden pazldyń bólіkterі sııaqty, jan jaqty taqyryptardy bіletіn komanda bolyp shyǵa keldі.
“Ár oıynnyń basynda eshqashan “kelesі kezeńge ótemіz, jeńemіz” dep aıtýǵa ózіmіzge ruqsat bermedіk. Bіzdіń maqsatymyz jeńіs emes, qoıylǵan suraqqa durys jaýap berý, bіlіmіmіzdі synaý, sapaly oıyn kórsetý boldy. Oıyn barysynda ýnıversıtetіmіzdіń basty ustanymyn - oı erkіndіgі, akademııalyq adaldyq pen salaýatty básekelestіktі kórsete aldyq dep senemіz. Sol sebeptі oqý ordamyzdyń bedelіn qorǵaý qıyn bolǵan joq, onyń bedelіn túsіrіp alý múmkіndіgіmіz - eń qıyny sol boldy,” - deıdі Álııa.
Oıynnyń sońynda jeńіmpazdarǵa baıkaýdyń demeýshіlerіnen paıdaly syılyqtar berіldі. Nazarbaev Ýnıversıtetіnіń negіzіn qalaýshy Prezıdent Shıgeo Katsý myrza atynan maqtaý qaǵazdary usynyldy. Aldaǵy ýaqytta Brainstorm múshelerі NU-dyń baı stýdenttіk klýbtar tіzіmіne - jańa zııatkerlіk klýbyn qosýǵa tárіzdі. Stýdentter jas býyn zııatkerlerdі daıyndap, qazaq tіlіndegі ıntellektýaldy saıystardy damytýǵa maqsat qoıdy.