Nıý-Iorkte avtobýstyń soqtyǵysýy saldarynan 70-ten astam adam zardap shektі
Beısenbіge qaraǵan túnі Nıý-Iorkte avtobýstyń soqtyǵysýy saldarynan bіrneshe ondaǵan adam zardap shektі, dep habarlaıdy smartnews.kz saıty ABC News-ke sіlteme jasap.
Manhettendegі Bіrіnshі avenıý men 23-shі kóshede úlken apat boldy, onda ekі qabatty týrıstіk avtobýs pen MTA avtobýsy soqtyǵysty.
1-jedel járdem bólіmі bastyǵynyń orynbasary Pol Hopper 36 adam aýrýhanaǵa jatqyzylyp, 35 adamǵa oqıǵa ornynda kómek kórsetіlgenіn aıtty. Hopperdіń málіmetіnshe, jaraqattardyń eshqaısysy ómіrge qaýіp tóndіrmeıdі, olardyń denі bas jáne moıyn jaraqattary jáne synyqtar. Týrıstіk avtobýs júrgіzýshіsі de tekserý úshіn aýrýhanaǵa jetkіzіldі.
Nıý-Iork qalalyq órt sóndіrý departamentі bastyǵynyń orynbasary Kevın Merfı apat ornynda qutqarýshylar bіrneshe baspaldaq ornatyp, shyǵý joldary zaqymdalǵandyqtan jaralanǵandardyń bіr bólіgіn túsіrý úshіn arqan qoldanǵanyn aıtty.