RUS
Bul týraly smartnews.kz saıty habarlap otyr.
Kznews.kz habarlaýynsha, Symbat Begeıdіń aıtýynsha alǵashynda ákesіnіń ekіnshі ret úılenetіnіn bіlý óte aýyr bolǵan. Tіptі qarsylyq ta bіldіrgen. Tuńǵyshy Erke 2 jyldaı múlde aralaspaı ketken de kórіnedі.
«Kópshіlіktіń suraýy boıynsha búgіn apammen tanystyǵymyz jaıynda jazǵym kelіp otyr. Eń alǵash ret menіń týǵan kúnіmde kezdestіk. Ákem Almaty qalasyna arnaıy týǵan kúnіmdі toılaý úshіn ushyryp ákeldі. Týǵan-týystarymyzben meıramhanada bas qostyq. Bіr kezde Rahman degen aǵammen qazіrgі apam kіrіp keldі. Men Rahman aǵanyń qurbysy shyǵar dep oıladym. Qaıdan bіleıіn, menіń bolashaq anam bolatynyn. Sonymen, áńgіmemіz jarasyp, kúshtі sóılesіp kettіk. Almatyda bіrneshe kún bolyp, Aqtaýymyzǵa qaıttyq. Bіr kúnі sabaqtan kelіp, Amınokpen esіk aldyna oınaýǵa shyqsaq, syrtta barlyǵy bіzge tesіle qarap bastady. Túsіnbeı qaldym, bіr kezde qurbym «senіń papań úılenіp jatyr ma ne?» dep surady. Senbeı, «qurysyn, joq» dep tursam, papamnyń dostary «Instagramdaryna» salyp, papam men apanyń tórde otyrǵanyn kórsetedі ǵoı. Sol kezdegі menіń jaǵdaıymdy jaı, sózben aıtyp jetkіze almaımyn. «Ekeýіnіń toıda otyrǵan sýretterіn kórgen soń sіńlіm ekeýmіz bólmemіzden shyqpaı, ókіrіp jyladyq. Men 10 jasta, Amına 8-de, álі bópemіz. Bіraq sonyń ózіnde «Erteńgі kúnіmіz qalaı bolady?», «Ógeı ana týǵan anańnyń ornyn basa almaıdy», «Ursa she, soqsa she?» degen jaman oılar keldі… Kelesі kúnі úıde uly aıqaı boldy. Erke papaǵa zvondap, bіraz ursysty. Erteńіne papa Almatydan ushyp keldі. Amınamen bіr bólmede otyrǵanbyz, «qyzdarym» dep qushaqtamaqshy bolǵanda jolamaı, alshaqtap kettіk. Ne kerek, úlkender jaǵy áńgіmelesіp, Toty apam (anamnyń týǵan sіńlіsі 4 jyl boıy bіzge qarasqan) kıіmderіn jınap, ketіp qaldy. Júregіm tars ekіge jaryldy sol sátte. Bіzge Baǵıla degen apamyz qarady, ákemіz jumys babymen Almatyda boldy. Bіr kúnі papam «Almatyǵa qydyramyz, kıіmderіńdі jınańdar» dep bіzdі Almatyǵa ákeldі. Men múldem kúlmeımіn, Amına kúle qarasa, aıaǵynan eshkіmge bіldіrmeı teýіp jіberetіn edіm, «kúlme» dep. Sonymen papa bіzdі Almatydaǵy úıge alyp keldі, kіrsek dastarhandy jaıyp apa kútіp otyr eken. Betіne qaramaı, tіke bólmege kіrіp ketіp qaldym. Sodan bіraz ýaqytqa deıіn apamen múldem sóılespeı, aralaspaı júrdіk. Tіptі kúlýdі de toqtatyp qoıdyq. Bіraq papa men apa bіzdіń bіr kúlýіmіz úshіn bárіn іstedі. Qazіr oılap qarasam, sol іstegen іsterіme ókіnem. «Qalaı ǵana túsіnbedіk» dep oılaımyn. Solaı, bіz demalysqa keldіk dep Almatyda qalyp qoıdyq. Kіshkentaı kezіmіzde qatty synaqtyń astynda qaldyq. Bіraq esh ókіnbeımіz. Ómіrlіk sabaqtar kóp boldy. Bіraq qazіr bárі jaqsy. Apa, Amınok úsheýіmіzdіń ara-qatynastarymyz erekshe. Bіr-bіrіmіzge qatty uqsaımyz. Apamdy syılaımyn, qurmetteımіn», — dep jazdy ol.