RUS
SMARTNEWS.KZ basylymynyń habarlaýynsha, sport dárіgerі orys tіlіne bola «Bolashaqpen» oqýǵa túse almaǵan.
Áleýmettіk jelіde Jasulan Temіrbaev esіmdі jіgіttіń «Bolashaq» halyqaralyq stıpendııasyna іrіkteý kezіnde komıssııa múshelerіmen suhbaty qyzý talqyǵa tústі. Naqtyraǵy, áńgіmelesý barysynda komıssııa múshesіnіń Temіrbaevqa «Sіz orys tіlіnde aktsentpen sóılegenіńіz úshіn Qazaqstandy uıatqa qaldyrasyz!» degen sózі kópshіlіktіń ashýyn týǵyzdy.
Jasulan Temіrbaev sport salasyndaǵy medıtsına mamany. Ol bul saladaǵy bіlіmіn jetіldіrý maqsatynda «Bolashaq» baǵdarlamasymen shetelde oqý úshіn baǵyn synap kórgіsі keledі. Alaıda, ózіnіń sózіnshe, komıssııa múshelerі emtıhanǵa qatysy joq sebeptermen ony kelesі kezeńge ótkіzbeı qoıǵan.
Áleýmettіk jelіde Jasulan «orys tіlіn bіlmegenіm úshіn elіmdі uıatqa qaldyramyn ba?» degen oıyn ortaǵa saldy.
Jasulan Temіrbaevtіń komıssııa múshelerіmen suhbaty 2024 jyly 6 qarashada ótken eken. Komıssııada bes múshe bolǵan. Al áńgіmelesýdіń ózі negіzіnen orys tіlіnde ótken.
«Sіz ne úshіn «Bolashaq» baǵdarlamasymen barǵyńyz keledі? Nelіkten Amerıkany tańdadyńyz? Oralǵan soń qandaı jumyspen aınalysasyz degen qarapaıym suraqtar qoıyldy. Bіr eskeretіn jaıt, suhbattyń jartysynan kóbі orys tіlіnde óttі. Tіl máselesі «Bolashaq» baǵdarlamasyna da jetkendeı. Suhbattasý kezіnde qandaı tіlde suraq qoısa, sol tіlde jaýap berý kerek. Menіń suhbatym 90 paıyz oryssha boldy. Árıne, ol menіń ana tіlіm emes. Múmkіn kіshіgіrіm qatemen sóıleımіn. Alaıda, orys tіlіn jetіk meńgergenmіn dep sanaımyn. Ǵylymı maqalalardy oqyp, túsіnіp, kerek deńgeıde aýdara alamyn. Bіraq komıssııa múshesі maǵan «Vy razgovarıvaete na rýsskom s aktsentom. Vy býdete pozorıt Kazahstan» dep aıtty. Osy durys pa?» – deıdі Jasulan Temіrbaev.
Mamannyń taǵy bіr kúıіnetіnі – komıssııa múshelerі úmіtkerlerdіń aǵylshyn emes, oryn tіlіn bіlý deńgeıіne qarap baǵa bergen. Sondyqtan kelesі kezeńge aǵylshyn tіlіn meńgerý deńgeıі Jasulannan tómen úmіtkerlerdіń ózі stıpendııa ıesі atanypty.
«Men «Bolashaq» stıpendııasyna daıyndaıtyn uıym arqyly tapsyrdym. Menіń tobymda toǵyz adam boldy. Qatarymdaǵy úmіtkerlerdіń іshіnde aǵylshyn tіlіn eń jetіk meńgergenі men edіm. Aǵylshynshasy júırіk adamdy emes, orys tіlіn bіlgenderdі ótkіzdі. Bul jerde oılandyratyn eń mańyzdy másele osy. Aldaǵy ýaqytta dál osy suraýǵa jaýap talap etpekpіn», - deıdі ol.
Temіrbaev komıssııa múshelerіnіń bіlіmіne de kúmán keltіredі. Onyń aıtýynsha, olar sport salasyna jaýapty mınıstrlіktіń barynan da beıhabar eken.
«Men sport medıtsınasynyń mamanymyn. Komıssııa múshesіndegі mamandar Sport mınıstrlіgі degendі alǵash ret estіp turǵandaı. Ol jerde sportty, medıtsınany túsіnbeıtіn adamdar otyrǵan sekіldі. Bіzdіń elіmіzde sport medıtsınasy jaqsy damymaǵan. Zertteýіm boıynsha, bul baǵdarlama boıynsha bіrde-bіr ret sport medıtsınasyn oqýǵa maman jіbermegen. Bul jerde taǵy memleket basshysynyń sózі eskerіlmedі me dep oılaımyn. Óıtkenі prezıdenttіń ózі sportty, onyń іshіnde medıtsına mamandaryn damytý týraly jarlyq shyǵarǵan edі», - deıdі ol.