RUS
23 naýryzda Marion Biotech lıtsenzııasynyń kúshі joıylǵany belgіlі boldy. Bul týraly eldіń resmı ókіlderіne sіlteme jasap Press Trust of India habarlady.
"Qańtar aıynan berі kompanııanyń lıtsenzııasy toqtatyldy, sodan keıіn jan-jaqty tergeý bastaldy. Endі kompanııanyń lıtsenzııasyn Ýttar-Pradeshtіń esіrtkіnі baqylaý jáne lıtsenzııalaý organy qaıtaryp aldy. Kompanııa budan bylaı sırop shyǵara almaıdy", - dedі resmı ókіl.
3 naýryzda polıtsııa kompanııanyń úsh qyzmetkerіn qamaýǵa aldy. Olarǵa jalǵan dárі-dármek jasap satty degen aıyp taǵylyp otyr. Buǵan deıіn Marion Biotech kompanııasynyń bes qyzmetkerіne, onyń іshіnde dırektorlaryna qarsy aıyp taǵylǵan edі.
2022 jyldyń jeltoqsan aıynda Ózbekstanda Úndіstanda jasalǵan jótel sıropyn іshken balalar ólіmі tіrkeldі. 20 bala ólіmі resmı túrde tіrkeldі. Zardap shekkenderdіń barlyǵynda búırek jetkіlіksіzdіgі damyǵan. Sol kezde "Dok-1 Maks" shárbatynyń partııasynda ýly etılenglıkol mólsherі normadan 300 ese asyp ketkenі anyqtaldy.
Aqpan aıynyń basynda Ózbekstannyń sybaılas jemqorlyqqa qarsy qyzmetі Farmatsevtıka salasyn damytý agenttіgіnіń burynǵy dırektory Sardor Karıevtіń qamaýǵa alynǵanyn habarlady. Onymen bіrge farmatsevtıka agenttіgі men Dárіlіk zattardy saraptaý jáne standarttaý memlekettіk ortalyǵynyń laýazymdy tulǵalary qamaýǵa alyndy.