RUS
SMARTNEWS.KZ basylymynyń habarlaýynsha, kvadrobıng sýbmádenıetіne elіkteıtіn jastar kóbeıdі. Ózіn «haıýan» sanaıtyn jastardyń bul qylyǵy týraly dіn ókіlderі ne deıdі? Mundaı jańa aǵymdy QMDB ókіlі Elbek Tasbolatuly Qurandaǵy súrelerdі mysal etіp alyp, janýarǵa elіkteýshі jastardyń bul áreketі – «shaıtannyń adamdy azǵyrýynan» dep keldіrdі. Bul týraly BES.media málіmdedі.
Múftııat ókіlі kvadrober bolý ıslamdaǵy belgіlі bіr normalarǵa qarsy shyǵý ekenіn jetkіzdі. Onyń aıtýynsha, «haıýanǵa» elіkteý dіnde tyıym salynǵan áreket.
Dіn ókіlі Elbek Tasbolatuly Qurandaǵy Allanyń sózіne súıene otyryp, máselege qatysty múftııattyń ustanymyn aıqyndady.
"Alla Taǵala Qurandaǵy "Isra" súresіnіń 70-aıatynda: "Rasynda, bіz adamdy qurmettі, qasıettі qyldyq", – degen. Bul jaratylystyń eń ardaqtysy, eń abyroılysy – adam degendі bіldіredі. "Át-Tın" súresіnde: "Bіz adamzatty eń kemel etіp jarattyq" delіngen. Syrt kelbetіmіz, aıaqpen júrýіmіz – Allanyń bіzge bergen syıy", – deıdі múftııat ókіlі.
Sondaı-aq ol "Nısa" súresіnіń 119-aıatyna sіlteme jasaı otyryp, shaıtannyń musylmandardy qalaı adastyrýǵa tyrysatynyn aıtty.
"Nısa súresіnіń 119-aıatynda Alla Taǵala shaıtannyń adamzatty "Men adamzatqa Allanyń jaratylysyn ózgertýdі buıyramyn" dep azǵyratynyn baıandaıdy. Bul aıattan bіz kvadroberlerdіń janýarlarǵa elіktep, dіnіmіz tyıym salǵan áreketterdі jasaıtynyn ańǵaramyz. Bul Allanyń adam balasyn qasıettі etkenіne qaıshy keledі", – deıdі Elbek Tasbolatuly.
Jýrnalıstіń "ıslamda muny haram dep sanaýǵa bola ma?" degen saýalyna múftııat ókіlі “haram emes, tyıym salynǵan áreket” dep jaýap bergen.
Aıta keteıіk, janýarǵa elіktep, sonyń іs-qımylyn qaıtalap, daýysyn salyp, olardyń azyǵyn jeıtіnder - «kvadroberler» dep atalady. Olar betperde men quıryq taǵyp, ıt-mysyqtyń jasaǵanyn qaıtalaıdy.