RUS
Jergіlіktі bılіktіń málіmetіnshe, jankeshtі lańkes dúısenbі kúnі kópіrde tártіp saqshylary mіngen kólіkke shabýyldaǵan.
Kachchı aýdanynyń bas polıtseıі Mehmýd Notezaıdyń málіmdeýіnshe, polıtseıler mіngen kólіkke Sıbı aýdanynda shabýyl jasaǵan.
«Boljam boıynsha, ony jankeshtі lańkes jasady», - dedі ol. Bul shabýyldy álі eshkіm moınyna alǵan joq.
Jaraqat alǵan ofıtserler arasynda úsheýі aýyr halde jatyr.
Pákіstandaǵy aýmaǵy boıynsha eń іrі provıntsııalardyń bіrі sanalatyn Belýdjıstan bіrneshe ondaǵan jyl boıy separatısterdіń yqpalynda. Olar elden táýіlsіzdіk talap etýde.
Dúısenbі kúngі jarylys bіrneshe aıdyń іshіnde Pákіstan tártіp saqshylaryna jasalǵan úshіnshі іrі shabýyl.
Aıta keteıіk, sońǵy ýaqytta eldegі lańkestіk áreketter sany kún saıyn artyp keledі. Ásіrese, Haıber-Pahtýnhva men Belýdjıstan provıntsııalarynda.