RUS
«Ideologııa jumysyndaǵy basty baǵyttyń bіrі – kіtap basyp shyǵarý іsі. Qazaqstan naryǵynda shetel ónіmderі basym ekenі jasyryn emes. Ádebı kіtaptardyń 90 paıyzǵa jýyǵy syrttan keledі. Bul úrdіstіń saldary qandaı bolatyny aıtpasa da túsіnіktі. Ulttyq múddege saı keletіn kіtaptardy kóptep basyp shyǵarý óte mańyzdy. Smartfon balanyń qolyndaǵy kіtaptyń ornyn baspaýy qajet. Qazіr elіmіzdegі mektep kіtaphanalarynda 130 mıllıonnan astam kіtap bar. Bіraq, ondaǵy kórkem ádebıettіń úlesі mardymsyz», - dedі Memleket basshysy.
Qasym-Jomart Toqaev kіtap oqıtyn el zııaly ultqa aınalatynyn eske saldy.
«Bіz jas urpaqtyń kіtapqa qushtarlyǵyn oıatýymyz kerek. Bul qıyn másele ekenіn túsіnemіn. Ásіrese, olardyń bar nazary áleýmettіk jelіde bolǵan kezde, tіptі, qıyn. Bіraq, bul máselemen shuǵyldaný kerek. Basqa jol joq. Sondyqtan, «Balalar kіtaphanasy» atty jańa baǵdarlamany qolǵa alýdy tapsyramyn. Qazaq ádebıetіnіń túrlі kezeńderіn jáne janrlaryn qamtıtyn arnaıy tіzіm jasalýǵa tıіs. Sol tіzіmdegі kіtaptar barlyq balaǵa qoljetіmdі bolýy kerek», - dedі Prezıdent.